Sunday, November 15, 2026
Saturday, November 14, 2026
عزيزي الانطوائي مرهف المشاعر
من يومين كده، بنتي جت ومتضايقة جدا عشان كانت بتتكلم في الميكروباص مع صاحبتها بصوت عالي شوية، فالسواق اتريأ عليها أو قال تعليق -هي مسمعتوش كويس- فالعربية كلها ضحكت!
الدموع كانت في عينيها تقريبا من الإحراج والغيظ والضيق.. هي مش متعودة لسه على المواقف دي وحساسة شويتين تلاتة..
فهمتها طبعا إن عادي، ماتشغليش بالك.. المواقف اللي زي كده بتعدي يعني وياما هيقابلك أكتر وهتكوني موضع مقلب أو سخرية أو حتى انتباه من اللي حواليكي في أي موقف مهما حاولتي تتفادي ده، فحتى لو موقف محرج.. زي إن الواحد يقع في الطين في الشتا أو يتزحلق فجأة في الشارع، أو يقع به كرسي، أو جزمته تتقلع ويضطر يمشي حافي -حصلت لي مرة وأنا معاها ومشينا مسافة وأنا حافي لحد ما وصلنا محل اشترينا منه شبشب مؤقتا- أو أي موقف تاني يخليه محط أنظار الناس أو حتى محط سخريتهم وضحكهم.. ومفيش حد مابيحصلوش الكلام ده وده ميعيبوش هوه نفسه في حاجة. فكبري دماغك والمهم في الموضوع إن لو حد علّق بحاجة فيها تجاوز في حقك أو إهانة، ترديها فورا وماتخافيش حتى لو كنتي إنتي من شوية موضع ضحك أو سخرية.. لكن لو هزرا أو ضحك أو حتى تعليق رخم من غير إهانة، فكبري دماغك وماتعبريش حد.. وحتى ابقي اضحكي معاهم لو ينفع ^_^
المهم، الحمد لله تجاوزت الموقف بسهولة -على الأقل قدامي، وأتمنى يكون من جواها برضه- وضحكنا وهزرنا عادي على طول..
امبارح اتكرر الكلام على حاجة مشابهة في دردشة مع صديقة عزيزة واتكلمت برضه عن موقف ضحكت فيه بصوت عالي وسط مجموعة بشكل لافت يعني وكانت محرجة بزيادة وشايفة إنها لو اتكرر الموقف تاني، فلازم تاخد بالها وماتضحكش خالص تاني.. هي برضه حساسة شويتين زي بنتي أظن، وبالرغم من إنها اكتشفت إن المجموعة اللي معاها ماكانوش مركزين في ضحكتها أو رد فعلها زي ما كانت متخيلة وإن الموضوع بسيط يعني، فكونها لسه فاكرة الموقف أو بتتكلم عنه، فده معناه برضه إنها مدية أهمية شوية لردود فعل الناس لو الواحد لقى نفسه في موقف محرج أو ما شابه..
كان لينا زميلة برضه في الشغل بتستخدم تعبير لطيف كده كل مانتكلم أو نهزر -بشكل عادي يعني مش أوفر ولا فيه تنمر ولا تجاوز- إنها مابتحبش "تطلع ع المسرح".. يعني ماتبقاش هي محور تركيز أو كلام المجموعة وهزارهم وضحكهم حتى لو بشكل عادي تماما ومفيهوش تركيزعليها زي ما هي متخيلة يعني..
طبعا الكلام ده وردود الأفعال دي كلها مش غريبة عليا ولا على شخصيتي :)
أفتكر إن مرة وأنا في سنة تانية إعدادي مدرسة العربي زعقتلي بس -بدون أي إهانة وكمان مش أنا لوحدي. كان الزعيق للفصل كله، بس أنا كنت البداية تقريبا أو أنا اللي واقف في الأول - عشان الواجب أو التحضير أو حتى الصوت.. حاجة عادية يعني مفيهاش أي حساسية، فانهرت من العياط :)
مرة تانية - ودي كانت أفظع بقى- كنا في خامسة ابتدائي وبنلعب في الشارع وفيه ولد أكبر مننا جنبنا وبيغلس علينا ويعمل أي مقلب في أي عيل كل شوية بهزار عشان يضحك عليه هو وباقي العيال.. كنت باتجنبه طبعا ومخلي بالي، بس في مرة -شكرا لقوانين ميرفي- وقعت الطوبة في المعطوبة ومكنتش مركز فكنت أنا المقلب وضحك عليا هو والعيال، وأنا خدتها عياط وانهيار ساعة بعدها وللا حاجة!
مرة تالتة في الإعدادي برضه، كنت من الشرطة المدرسية اللي بتنظم الطابور فكنت باتحرك على طول - كنت معذّب زمايلي الحقيقة وماباخليش حد بتكلم خالص ولا يطلع بره الصف ! وغالبا اللي حصل ده ذنبهم :)- وأظبط الصف وما شابه، فالمدرس اللي ماسك الطابور -كان جديد ومش من بلدنا- زعق لي في الميكروفون عشان مخدتش بالي وكنت باتحرك في تحية العلم.. و -زي ما توقعتم طبعا- انهرت برضه من العياط وسط طابور المدرسة كلها D:
مرة رابعة وأنا أكبر شوية في ثانوي، كنت عند جماعة أصحابي -هم كانوا في الجامعة وأكبر مني بسنتين تلاتة، بس صاحبوني عشان كان واحد فيهم بيحب واحدة صاحبة واحدة جارتنا وكانت جارتنا دي صديقة ليا وعلاقتنا كويسة- وكان دمهم شربات وبيحبوا الهزار وفجأة وكباية الشاي على بقي، واحد قال إفيه مسخرة على حاجة مش فاكرها، فمقدرتش أمسك نفسي وعيط.. احم !! وضحكت جامد والشاي اللي في بقي وقع على الهدوم والترابيزة اللي قدامي وبهدلة ومناديل ورق بقى للصبح.. كنت باقول يا أرض انشقي وابلعيني :)
ومواقف تانية أكتر بكل تأكيد -فيه موقف تاني في الكلية بس كان بإرادتي وعارف ومتوقع رد الفعل فمش هاحسبه هنا قوي رغم إنه نظريا محرج أكتر من دول كلهم- بس دول أبرز المواقف المحرجة اللي طلعت فيها مسرح وكانت كفيلة إنها تعقدني من أي حاجة اجتماعية أو فيها تعامل مع الناس وأكون أنا فيها حتى قريب من محور الحدث أو هيكون فيه أي حد مركز معايا..
لكن لما كبرت شوية وراجعت المواقف دي كلها تاني أو فكرت في اللي حصل بعدها -حتى لو مش بصورة واعية وقتها زي دلوقتي- لقيت إنها مكنتش مستاهلة رد فعلي ده.. وإن الدنيا أبسط مما كنت متصور.. ففي كل المواقف دي -بلا استثناء- أصحابي واللي معايا في الفصل أو أي حد بيحتك معايا من المدرسين أو الطلبة حتى اللي مش في دفعتي.. اتعاملوا عادي وطبيعي جدا بعدها ومفيش مرة واحدة حتى حد فيهم اتكلم أو فكرني بموقف منهم أو علق عليه أو كان محور لأي تلسين أو هزار أو غيره..
بالعكس، في الابتدائي مقلا كل أصاحابي اللي ضحكوا عليا في المقلب، لما لقوني بابكي، قعدوا كلهم يواسوني ويطبطبوا عليا واتخانقوا مع الواد الغلس ده و -تقريبا لو أنا فاكر كويس- خلوه يعتذر لي.. وبطل هزاره ده معانا بعد كده
وفي الإعدادي، المدرسة دي والمدرس الجديد.. الاتنين بعدها اعتذروا لي وصالحوني لما لقوني بالحساسية دي.. و زي ما قلت زمايلي كلهم محدش ضايقني ولا اتريأ وبالعكس بعضهم كان بيواسيني ويراضيني..
والأصحاب الأكبر مني دول فضلت علاقتي كويسة بيهم كل ما أقابلهم لسنين بعدها وبنهزر ونضحك عادي جدا جدا جدا وبالعكس كانوا بيحترموني لما خلصت ثانوي ودخلت طب عشان كنت متفوق يعني وكده..
فيعني من تكرار وتأمل المواقف دي كلها وكمان رد فعلي أنا شخصيا لما حد بيحصل له موقف مضحك أو محرج قدامي وملاحظتي لردود أفعال الناس سواء الطيب منها أو الشرير، اتعلمت إن كل واحد عادة بيبقى مركز مع نفسه.. حتى الفضوليين اللي بيتابعوا اللي حواليهم ويبصوا على لبسهم وشكلهم وكلامهم .. إلخ .. حتى دول بيبصوا للناس عشان يقارنوهم بنفسهم هم .. يعني دي بتبص على فستان دي عشان تشوف فستانها هي أحلى وللا الفستان التاني أحلى -مثلا-.. بيهتموا بكلام الناس عشان يشوفوا اللي يخصهم أو يهمهم منه في المعتاد..
طبعا مع استثناءات، لكن المعتاد بيكون إن الناس مش مركزة معايا خالص خالص للدرجة اللي أنا كنت متخيلها.. حتى اللي بيكرهوني أو اللي بيحبوني.. الدنيا -دايما وفي كل مرة- طلعت أبسط مما كنت متخيل أو متوقع
وحتى في المرات الاستثنائية اللي ممكن حد يركز معايا فعلا أو يتنمر عليا -حصلت في أولى ثانوي في موقفين تانيين واحد منهم كان محرج جدا جدا في سن المراهقة والحساسية من الكلام مع بنات الفصل وتنمر الولاد عليك لما تكلمهم فعلا أو تقعد قريب منهم- الموقف عدى ببساطة لأن كله فاهم طبيعة السن وطبيعة المتنمر وطبيعتي أنا شخصيا.. ولا حسرت احترام حد ولا حد تعمد يضايقني ولا كان فيه حاجة غريبة بعدها .. بالعكس دلوقتي لما كبرنا كل أصحابي بيفتكروا لي حاجات كويسة أنا مش فاكرها.. حتى اللي كانوا ممكن يتنمروا عليا أو مش أصحاب قريبين مني وقتها.. اتفاجئت إن منهم اللي بيمدحوني بشكل أكبر كمان من غيرهم!
طبعا فيه عامل تاني مهم هو إن ثقة الواحد بنفسه بقت أكتر شوية بشوية مع السن والخبرة والتجارب.. بالذات لما اشتغلت ومجالات الدراسات العليا المختلفة اللي درستها واحتكيت فيها مع نماذج مختلفة أكتر ومن ضمنهم متفوقين وعباقرة وموهوبين كمان.. وبرضه لاحظت إن كتير منهم أو أغلبهم بيقدر إمكانياته أقل من الحقيقة وبيعمل حسابات لردود أفعال الناس وكلامهم أكتر من اللازم، رغم إنهم كشكل وخبرة وعلم وأخلاق ومن أغلب الجوانب أفضل مني ومن أغلب الناس بكتير.. فلما يكون الناس الشاطرة المحترمة دي كمان بتفكر كده، يبقى الأحاسيس والأفكار دي مش موضوعية غالبا.. وإن البني آدم مننا بيبالغ شوية في رد فعله لما بييجي يحاسب نفسه أو يشوف نفسه من خلال عيون اللي حواليه -بيدي نفسه أقل من حقه في المعتاد- ودي حاجة طبيعية نوعا رغم إنها بتكون غير صحيحة..
شبه مثلا لو سمعت صوتك في شريط كاسيت أو رسالة صوتية.. بتتفاجئ بصوت غير اللي إنت متعود عليه لأن عظام الجمجمة بتزود رنين صوتك اللي بيوصل لودنك فإنت بتسمع صوت أعلى ومختلف عن اللي بيسمعه اللي حواليك..
كمان شبه لما تبص لوشك في المراية.. عادة إنت بتبص من قريب فبتبقى شايف ملامحك من زاوية أقرب بكتير من اللي بيشوفها اللي حواليك وبتركز بقى على أب عيب أو حاجة مش عاجباك، في حين إن باقي الناس غالبا إما مابيشوفوش اللي إنت شايفه ده لأنهم مابيقربوش منك زي ما إنت بتقرب للمراية، أو -ببساطة- مش هيركزوا -هيلاحظوها أيوه بس هيعدوها عادي- مع الحبوب أو النمش اللي في وشك لأنه عادي إنهم يشوفوا وشوش ناس كتير حواليهم فيها حبوب أو نمش.. وإنت مش هتفرق عن الباقي في حاجة.. هيهتموا بس لو الحبوب دي في وشهم هم مش في وشك إنت!
فيعني..
لو هاقول لك نصيحة ياعزيزي القارئ الانطوائي الحساس رهيف المشاعر، فهتكون .. سيب نفسك وعيش حياتك وماتعملش حساب رأي الناس أو ردود أفعالهم قوي يعني، أو -بمعنى أصح- ماتخليهاش تكتفك أو تقيدك أو تصدمك أو تمنعك من حاجة حابب تعملها أو بتستمتع وغنت بتعملها أو حتى هتجربها وتشوف !
خليك زي البنوتة القمر دي.. اللي نزلت المترو وطلعت كوبري قصر النيل وعملت حركات باليه جميله في الشارع كجزء من مشروع تخرج..
ولا شغلت بالها الناس هيقولوا إيه؟ ولا اللي ممكن يعلقوا عليها أو يضايقوها؟ ولا أي حاجة من المتوقع جدا إنها تحصل أو ممكن تكون حصلت لها فعلا هي وزمايلها..
وحتى الهيصة اللي حصلت على السوشيال بعدها شوية لما الصور بقت ترند يومين.. كله فات وخلص، وهي فضل لها تجربة حلوة ومهمة و- يارب تكون جابت A في المشروع كمان- ثقة بنفسها إنها تقدر توصل لأهدافها وماتشغلش نفسها بأي عوائق أو رخامة لأن دول هيفضلوا موجودين ولازم نتعلم نتعامل معاهم ونديهم حجمهم المناسب مش أكتر.
Friday, November 13, 2026
My insecurities could eat me alive
المفروض إني عملت إنجاز بشكل ما بقدرتي على الالتزام بقرار التدوين اليومي لمدة شهرين دلوقتي.. مش بطّال !!
برغم إن تدوينات كتيرة كانت سد خانة عشان الالتزام بس بالقاعدة، إلا إن بعض التدوينات كانت ممتعة في كتابتها وقراءتها كمان دلوقتي.. الواحد لما بيكون جواه كلام ومشاعر وأفكار وينقلها بصدق للورق -أو الكيبورد في تدوينة هنا- بتكون قراءتها ممتعة برضه لأن المشاعر الحقيقية بتوصل، ومهما كان الأسلوب ضعيف أو غير متماسك. الصدق نفسه بيوصل، فحتى لو كلامي، باستمتع برضه بقراءته تاني وتالت.. ودي حاجة من الحاجات اللي بتبسطني بعد كده.. ألاقيني كتبت نص أو تدوينة أستمتع بقراءتها بعدين.. صحيح بيكون فيه جزء محبط شوية لأن -مع الوقت- أسلوبي بينحدر نوعا ولغتي بتكون أقل تماسكا، بس الوصفة برضه مابتخيبش.. اتكلم بصراحة ومن غير افتعال، هتوصل لقلب اللي بيقرأ حتى لو كان الكلام نفسه مش جديد.
وده يمكن أهم سبب خلاني أحب إيمنيم من أول مرة سمعته فيها، طبعا هو موهوب جدا جدا في الكتابة وفي الموسيقى، بس أهم سبب حقيقي، إنه بيغني الحاجات اللي حاسسها فعلا والأفكار والمشاعر اللي بيحس بيها فعلا وبيكتب صور ومواقف حقيقية جدا، فبتتفاعل معاها وتلاقي نفسك في الكلام اللي بيكتبه وبيغنيه، وبتلاقي نفسك في أداؤه الحقيقي والمقنع لأنه من الأول بيغني حاجات هو حاسسها ويمكن عايشها لسه كمان..
ومن أحلى الأغاني دي هي "أغنية هيلي" اللي غناها لبنته بعد صراع قضائي مع طليقته قدر بعدها يكون عنده الحق إن يشارك معاها الحضانة وبنته تقدر تكون معاه ولو جزء من الوقت.. الأغنية زي ما هنشوف فيها كلام مباشر جدا وصريح عن الخناقة مع مراته وعن الناس وصراعاته ومشاكله مع نفسه وإزاي بنته هي الحاجة الوحيدة اللي بتساعده قصاد كل ده.. يكفيني جدا الصورة اللي أخدتها عنوان للبوست.. my insecurities could eat me alive! بس بنته بتظهر في الصورة ويقدر يشوفها وتعيش معاه بعد ما اتحكم له، فأي حاجة بقى مش مهم.. هاقدر أواجه شياطيني وأشباحي والعالم كله.. لأن بنتي خلاص معايا.
Yo, I can't sing, but
I feel like singing
I wanna fuckin' sing
'Cause I'm happy
Yeah, I'm happy
I got my baby back
Yo, check it out
Some days I sit starin' out the window
Watchin' this world pass me by..
Sometimes I think there's nothin' to live for,
I almost break down and cry..
Sometimes I think I'm crazy, I'm crazy, oh, so crazy
Why am I here? Am I just wastin' my time?
But then I see my baby, suddenly I'm not crazy
It all makes sense when I look into her eyes, oh, no
'Cause sometimes (Fuck) it feels like (I was scared) the world's on my shoulders
Everyone's leanin' on me
'Cause sometimes it feels like the world's almost over
But then she comes back to me
My baby girl keeps gettin' older
I watch her grow up with pride
People make jokes 'cause they don't understand me
They just don't see my real side
I act like shit don't faze me, inside it drives me crazy
My insecurities could eat me alive
But then I see my baby, suddenly I'm not crazy
It all makes sense when I look into her eyes, oh, no
'Cause sometimes it feels like the world's on my shoulders
Everyone's leanin' on me
'Cause sometimes it feels like the world's almost over
But then she comes back to me
Man, if I could sing, I'd keep singin' this song to my daughter
If I could hit the notes, I'd blow somethin' as long as my father
To show her how I feel about her, how proud I am that I got her
God, I'm a daddy, I'm so glad that her mom didn't ['want her' backwards]
Now, you probably get this picture from my public persona
That I'm a pistol-packin' drug addict who bags on his momma
But I wanna just take this time out to be perfectly honest
'Cause there's a lot of shit I keep bottled that hurts deep inside of my soul
And just know that I grow colder the older I grow
This boulder on my shoulder gets heavy and harder to hold
And this load is like the weight of the world and I think my neck is breakin'
Should I just give up or try to live up to these expectations?
Now look, I love my daughter more than life in itself
But I got a wife that's determined to make my life livin' hell
But I handle it well, given the circumstances I'm dealt
So many chances, man, it's too bad, coulda had someone else
But the years that I've wasted is nothin' to the tears that I've tasted
So here's what I'm facin': three felonies, six years of probation
I've went to jail for this woman, I've been to bat for this woman
I've taken bats to people's backs, bent over backwards for this woman
Man, I shoulda seen it comin', what'd I stick my penis up in?
Wouldn't have ripped the prenup up if I'da seen what she was fuckin'
But fuck it, it's over, there's no more reason to cry no more
I got my baby, maybe, the only lady that I adore
Hailie! So sayonara, try tomorrow, nice to know ya
Our baby's traveled back to the arms of her rightful owner
And suddenly it seems like my shoulder blades have just shifted
It's like the greatest gift you can get, the weight has been lifted, and—
Now it don't feel like the world's on my shoulders
Everyone's leanin' on me
'Cause my baby knows that her daddy's a soldier
Nothin' can take her from me
Wooo! Told you I can't sing
Oh, well—I tried
Hailie, 'member when I said
If you ever need anything, Daddy would be right there?
Guess what—Daddy's here
And I ain't goin' nowhere, baby
I love you [*smooch*]
Thursday, November 12, 2026
Dido - White Flag
وصوتها جميل كالعادة.. والكيمياء اللي بينهم في الكليب لطيفة فعلا..
Wednesday, November 11, 2026
Tuesday, November 10, 2026
Line Riders
Monday, November 09, 2026
Eleven's Song By Veronica
الموسم الأول من مسلسل Stranger Things كان حدث وقتها.. نوستالجيا الثمانينيات معمولة حلو، وقصة فيها الغموض والرعب غير المفهوم من عالم غريب موازي للعالم بتاعنا، وطفل مفقود لكن أمه مؤمنة إنه عايش وبخير ومحتاجها، وأمه دي أساسا هي وينونا رايدر-واحدة من أجمل وأحب ممثلات هوليوود من أيام Dracula and Age of Innocence.. صحيح بمسيرة أقل كتير من نجمات تانية أقل منها في الموهبة أو الجمال، لكنها علامة أظن بالنسبة لجيلنا برضه-، ومعانا كمان بطلة طفلة بقدرات عقلية خارقة وسلوك فضائي غريب كأنها E.T. وبنختم بمواجهة عنيفة ومذهلة مع وحش مرعب من عالم الخيال!
عايز إيه بقى من مسلسل أكتر من كده؟!
ماكنتش قرأت الرواية الأصلية فكان المسلسل بالنسبة لي كله جديد، واستمتعت بيه جدا وحبيت البطلة، ولما نزل الجزء الثاني كنت مستنيه على أحر من الجمر.. كان حلو برضه وإن كان فيه خيوط مش متماسكة شوية، بس شغال.. والمفروض كانوا يقفلوا على كده، لكن طبعا فتحوا سكك وسابوا خيوط عشان جزء تالت ملوش معنى، ورابع وخامس بيمسكوا فيه طرف مشوق شوية عن فيكنا والمواجهة النهائية المنتظرة، والولد الممثل اللي جابوه عمل الشرير ده كان كويس فعلا، بس المشكلة كل الخيوط وقعت منهم في النص وقعدوا يمطوا ويلفوا ويدوروا ويعملوا تويستات أو حبكات عبيطة عشان يمدوا في المسلسل موسم بعد موسم ويحلبوا فيه أكتر.. وده كمان غير الأجندات والشذوذ اللي بقى فرض تقريبا في كل إنتاجات نتفليكس حتى لو كان هيبقى معمول بسخافة ووقاحة زي ما اتعمل هنا، وكمان الواد الصهيوني ابن الجزمة اللي فضل مكمل معاهم في المسلسل ودمه واقف ده..
بس اتفرجت عليه عشان بنتي ومراتي كانوا اتفرجوا على أول موسمين واتعلقوا بيه، فتابعنا بس عشان يعرفوا اللي حصل، لكن المسلسل بقى دمه تقيل على قلبي قوي.. وغالبا معنديش استعداد أتفرج عليه تاني..
ممكن أبقى أجرب أقرأ الرواية -تقريبا شيرين هنائي ترجمتها- لعل وعسى يكون العالم الروائي والحدوتة مشبعين وبعيد عن الأجندات والصهاينة..
بس كل اللي فات ده مش سبب كتابتي للبوست!
أنا عملت البوست ده عشان الأغنية الجميلة دي
ببساطة.. مطربة اسمها فيرونيكا قررت تلخص الجزء الأول في سرد غنائي لذيذ ومبتكر بأسلوب حلو وجذاب خلاني أكرر سماع الأغنية أكتر من مرة من استمتاعي بيها..








































