Thursday, July 19, 2007

Live Writer

ولكل من يعانى من مشكلة الكتابة باللغة العربية فى بلوجر العزيز نقدم الحل الذى وجدته مؤخرا ..

حمّل برنامج Windows Live Writer من الرابط المباشر ده

البرنامج ده ممتااااااااااااااااااااز فعلا للكتابة والتنسيق والتنظيم على جهازك براحتك -بالذات طبعا لو إنت لسه فى جحيم الديال أب- وتحفظ اللى إنت عايزه وتنشره فى الوقت اللى إنت عايزه ... إلخ

بس البرنامج لوحده مابيحلش مشكلة الكتابة بالعربى

محتاج برنامج Text direction change وده عباره عن plugin للبرنامج الأساسى

ده رابط تحميل مباشر

هتلاقى بقى فى البرنامج الرئيسى بتاعه كده على اليمين insert RTL Block

تختار دى يامحترم وبعدين تكتب براحتك بالعربى .. تلاقى بقى العلامه دى !

فى مكانها آخر السطر من غير ماتبقى مضطر تزود كلمة وللا اتنين علشان ماتلاقيهاش نطت على يمين السطر ...

والنقط كمان فى مكانها ..

ولو كتبت إنجليزى وسط العربى Like This مش هتلاقى العملية اتشقلبت والسطر انقسم نصين بدون داعى !

حلم واتحقق ياأولاد smile_teeth

 

طبعا فى البرنامج مزايا تانية كتيرة وفيه كمان Plugins  تانية كتيرة ممكن تضيف وظايف تانية تخلى الكتابة على البلوج متعه !

باقى الPlugins تقدروا تشوفوا تفاصيلها وتحملوها من هنا

 



Quote of the Day:
He who does not prefer exile to slavery is not free by any measure of freedom, truth and duty.
--Kahlil Gibran

3 comments:

Modijoy said...

عزيزى ليوناردو...

أولاً انا حابب اعرّفك انك أول واحد ابتدى اقرأ المدونة بتاعتو..
و حبيت الفكرة أوى..
عشان كده فكرت انى ابتدى اعمل مدونة..
لأنى فيه حاجات كتير أوى نفسى اتكلم فيها...

و لما جيت أحل مشكلة الكتابة بالعربى (بناءاً على ارشاداتك) قابلتنى مشكلة...
هى ان برنامج Windows Live Writer مش عايز يتسطب..

!!!!
مش عارف اعمل ايه..
انصحنى يا وزيرى..

كان نفسى ابعتلك صورة الرسالة اللى بتطلع..
هى محتواها انى اتأكد ان انا مش مشغل جهازى على السيف مود..
and that it has windows installer 3.1 or later

اعمل ايه بقى..
مع انى هضايقك بس معلش..
ممكن تبعتلى الرد على الإيميل ده
modijoy@yahoo.com
و ياريت اسم الرسالة يكون حاجة معبرة
زى "From Leo" مثلا..
أو "حل مشكلتك"..

و ده لأنى بمسح رسايل كتير من قبل ما افتحها نظرا لمحتويات الرسايل اللى مش كويسة اللى بتيجى للواحد من حيث لا يدرى..

طبعاً فاهمنى..
هستنى الرد..
سلام مؤقت..

Modijoy

Leonardo said...

مساء الخير ياعم مودى :)

سريعا كده لأنى اتأخرت عليك بكل أسف, لكن أنا لسه شايف الرد بتاعك من شوية ..
حمّل الملف ده لو الويندوز بتاعك إكس بى أو 2000

أو الملف ده لو الويندوز بتاعك 98 أو ميلينيوم

إن شاء الله ده يحل المشكلة ..
ولو المشكلة لسه موجوده يبقى هاراسلك على الإيميل بإذن الله ونشوف بقى تفاصيل أكتر من كده ..

وبإذن الله نشوف مدونتك قريب :)

سلام مؤقت برضه

أريـــ [ السمر ] ــــج said...

شكراً كتير على الموضوع القيم .. جزاك الله كل خير

لك تحياتى