أنا مش متعاطف مع الرئيس والسيده حرمه
ومش قادر أنسى منظر سوزان وهى بتبوس حسنى فى مقصورة استاد القاهره المصفحة لما فريقنا الوطنى فاز بكأس أفريقيا
فى نفس التوقيت اللى كان عائلات ألف واحد من ضحايا العبارة مقهورين ومش لاقيين حد يفهمهم إيه اللى حصل
بالعكس كان أمن السيد الرئيس بيضرب الأهالى فى الميناء ويمنعهم حتى إنهم يشوفوا الجثث عشان يتطمنوا على أهاليهم
حفيد سيادة الرئيس مات ؟
طب وإيه يعنى ؟
ماتنزلوا المستشفيات وتشوفوا أطفال المصريين بيموتوا إزاى ؟
الأطفال فى المستشفيات عندنا مابيموتوش علشان ده مرض غريب أو مالوش علاج
دول بيموتوا ويتسبب لهم عاهات مستديمه علشان الأب مامعهوش ثمن العلاج
والثمن ده ممكن يكون مئات الجنيهات لاغير !!
أتعاطف أنا إزاى ؟
الحفيد أنا ماأعرفوش .. فالله يرحمه
أما العائلة الكريمة فلا شماتة فى الموت
لكن تعاطف وحزن ؟
بأمارة إيه ياسيادة الرئيس ؟
Tuesday, May 19, 2009
أما الحفيد فالله يرحمه
Subscribe to:
Post Comments (Atom)
No comments:
Post a Comment