Dido - White Flag

كده كملت شهرين تقريبا بنجاح بعد قرار التدوين اليومي.. حتى لو لجأت أحيانا لبعض الحاجت القديمة أو الصور اللي مخزنها على الهارد، فدي حاجة ماباعتبرهاش وحشة.. عن نفسي باستمتع بالصور دي سواء ميمز وكوميكس أو صور لناس حلوين حبيت أحطها عشان أفتكرها..

بالمناسبة دي، هاخلي التدوينة النهارده عن أغنية شغالة معايا on the loop بقى لها كام يوم لدرجة إنها بدأت تهدد عرش أغنية إحساسي بتاع سميرة اللي شغالة معايا بقى لها شهرين تقريبا ولازم أي ما آجي أشغل أغاني أبدأ بيها الأول!

اليومين دول بابدأ ب الراية البيضاء! النسخة اللايف دي بالذات ..

ديدو -أو "دايدو" حسب ما أدركت مؤخرا النطق الصحيح لاسمها بعد 25 سنة تقريبا ^_^- صوت مميز جدا جدا جدا مش شبه حد تاني.. أول مرة سمعتها من حوالي 25 سنة في Stan وكان المقطع بتاعها اللي من أغنية Thank you هو أبرز ما في الأغنية.. 

الشاي برد ومش فاهمة أنا إيه اللي قومني من السرير أصلا.. الدنيا بتمطر من الصبح بره ومش شايفه حاجة.. حتى لو شايفه، فكل حاجة مالهاش معنى.. صورتك بس اللي لما باشوفها متعلقة قصادي، بتطمنني شوية.. 

 قرأت قبل كده إن إيمنيم سمع المقطع ده في بداية أغنية ثانك يو وبعدها اتخيل الصورة وكتب أغنية ستان، بس قرأت كلام تاني إن أغنية ستان كانت مكتوبة وجاهزة بس هو عايز مقطع تاني يغزله معاها عشان يكون فاصل بين النقلات أو الجوابات اللي بتحكي قصة الأغنية ولما سمع دايدو قرر على طول إن هي دي!

وفعلا.. كانت نقلة أظن في تاريخ الاتنين.. بعدها سمعت حاجات تانية لدايدو وحبيت لها قوي قوي أغنية Life for Rent .. تقريبا دي أكتر باحبها ليها لحد دلوقتي، وسمعت برضه وقتها الراية البيضاء وعجبتني، بس ماركزتش معاها قوي.. 

لكن إحدى الصديقات اتكلمت عنها كأحب أغنيات دايدو ولفتت انتباهي للتصوير اللي مكنتش شفته.. كنت بس سمعتها صوت ماشفتهاش

وكان الكليب جميل فعلا مع ديفيد بوريناز بتاع مسلسل أنجل 

 وصوتها جميل كالعادة.. والكيمياء اللي بينهم في الكليب لطيفة فعلا..

بس بدأت أتعلق فعلا بالأغنية لما شفتها في الحفلة دي

هنا صوتها كان أحلي -بالنسبة لي- من صوتها في الكليب، وجملة المزيكا في الثانية 12 والثانية 23 وهي بترد على سؤال الجملة الموسيقية اللي قبلها على طول كان مؤثر أكتر بكتير من كل التسجيلات اللي سمعتها للأغنية سواء في الكليب أو في الحفلات التانية..

هنا إحساس مختلف قوي طالع من الأورج ومن العازف اللي في الحفلة.. كأن بداية مزيكة الأغنية بتسأل عن الحب ومصيره اللي هتغني عنه دايدو كمان شوية، والجملة الموسيقية عند 12 و23 دي بترد على السؤال وبتقول لها مفيش مهرب!

بعدها على طول بتدخل دايدو بصوتها من طبقة عالية بعد صمت المزيكا في نقلة بتسحرني كل مرة

I know you think that I shouldn't still love you

Or tell you that

But if I didn't say it, well, I'd still have felt it

Where's the sense in that?

وبعدين تشرح 

I promise I'm not trying to make your life harder

Or return to where we were

هو كل المسألة إني مش هانكر اللي حاسة بيه

But I will go down with this ship

And I won't put my hands up and surrender

There will be no white flag above my door

I'm in love and always will be

نقطة ومن أول السطر

I know I left too much mess and destruction to come back again

And I caused nothing but trouble

هنا بنفهم إن -على عكس الكليب اللطيف مابيخلي الدنيا جميلة ولطيفة بينهم- كان فيه ضرر وأذى حقيقي

وبالتالي فهي ..

I understand if you can't talk to me again

And if you live by the rules of 'it's over'

Then I'm sure that, that makes sense

بس برضه مش هاقدر أنكر اللي حاسة بيه.. فاهمني؟

But I will go down with this ship

And I won't put my hands up and surrender

There will be no white flag above my door

I'm in love and always will be

وبناء عليه..

And when we meet

Which I'm sure we will

All that was there

Will be there still

مفيش مهرب زي ما صوت القدر في الجملة الموسيقية اللي في الأول فهمنا بوضوح

بس أنا عشان عارفة ومقدره إن اللي أنا عملته في الأول مش هيتنسي وعاذراك ومتفهمة كل اللي إنت حاسس بيه

I'll let it pass

And hold my tongue

And you will think

That I've moved on

بس برضه من جوايا.. مش هاقدر أنكر اللي حاسة بيه

I will go down with this ship

And I won't put my hands up and surrender

There will be no white flag above my door

I'm in love and always will be

مش عارف هتكمل معايا الأغنية أد إيه.. بس تستاهل طبعا

وغالبا هاحمل لها الألبومات اللي عملتها في السنين اللي فاتت لأني ماسمعتلهاش غير الألبوم الأول اللي كان فيه ال 3 أغاني اللي أعرفهم لها دول.. وحتى لو مالقيتش أغاني بحلاوة ال 3 دول، فالأكيد إن صوتها لوحده حلو كفاية إنك تسمعه مهما كان اللي بتغنيه