روسيا ضاعت ياجدعان !!

بصراحه خبر نكته ماقدرتش أعدّيه من غير ما أسجّله هنا ...

الخبر عن جريدة المصرى اليوم 31 أكتوبر 2006

 

 

مبارك يحث بوتين على البقاء فى الحكم وترشيح نفسه لولاية ثالثة

الرئيس لصحيفة "روسيه" : سأنصح رئيسكم بعدم تقليد الأمريكيين

كتب-خليفه جاد الله ووكالات:

حثّ الرئيس حسنى مبارك نظيره الروسى فلاديمير بوتين على ترشيح نفسه لفترة ولاية ثالثة عام 2008 , على الرغم من أن الدستور الروسى يحدد فترتين للولاية. ووصف الرئيس مبارك بوتين بأنه رجل ذكى جدا ويجب أن يبقى فى مكتبه, وقال فى تصريح نشرته جريدة "فيرميا نوفوستى" اليوميه أمس : روسيا تحتاج لبوتين.

ورداً على سؤال حول ما الذى سيقوله لبوتين عندما يجلسان معا فى الكرملين قال مبارك : سأقول له أن يبقى فى الحكم ولايستمع لأحد وذلك للمصلحه الوطنيه. وأضاف: هو يعرف جيدا الوضع فى روسيا والعالم, وهو يفهم كل شىء, دعوه يبقى, وتساءل: هل دستوركم الذى يحدد فترتين للرئاسة هو تقليد للأمريكان ..مستطردا أنتم تنتقدون الولايات المتحده وتقلدون ماتفعله, هل تفتحون الباب أم تغلقونه؟ عليكم أن تقرروا.

 

 

 

آه والله العظيم ده نص الخبر المكتوب بالظبط !!!

وأعترف إنى مش قادر أعلّق بأى كلمه

مافيش كلام محترم -ولاقليل الأدب بصراحه !! - يصلح للرد على رئيسنا اللذيذ

كفايه علينا تسجيل النصيحه التاريخيه دى لحد مانشوف الروس هيعملوا إيه ...

11 Minutes

وجدت رواية "إحدى عشرة دقيقة" لباولو كويلهو بالعربيه ..

على هذا الرابط

وأيضا وجدت هذا الموقع للروايات الكلاسيكيه الأجنبيه مجانا ...

اللوحة الأولى

مصفوفة حقائبي على رفوف الذاكرة

و السفر الطويل ..

يبدأ دون أن تسير القاطرة !

رسائلي للشمس ..

تعود دون أن تمسّ !

رسائلي للأرض ..

تردّ دون أن تفضّ !

يميل ظلّي في الغروب دون أن أميل !

و ها أنا في مقعدي القانط .

وريقة .. و ريقة .. يسقط عمري من نتيجة الحائط

و الورق الساقط

يطفو على بحيرة الذكرى ، فتلتوي دوائرا

و تختفي .. دائرة .. فدائرة !

 

أمل دنقل

العيد فرحه

Quote

 

"Just Because You're Getting Older.., It Doesn't Mean That You Have To Get Old "

Pet Shop Boys

Did you get what you want?

Do you know what it is? Do you care?

Is he better than me?

Was it your place or his? Who was there?

Did you think it was wrong?

Do you find that it's worse than it was?

Has it gone on too long?

Do you mind that it hurts me? Because....

You're breaking my heart

I don't know what you want but I can't give it any more

I don't know what you want but I can't give it any more

I don't know what you want but I can't give it any more

I don't know what you want but I can't give it any more

You're breaking my heart

Was it cracking the code or just filling in time?

Was that all?

So then why'd you go back to the scene off the crime?

Did he call?

Shall I take further blame or another assault on how it was?

Then we'll get to the fact that it's always my fault, just because..... You're breaking my heart

I don't know what you want but I can't give it any more

I don't know what you want but I can't give it any more

I don't know what you want but I can't give it any more

I don't know what you want but I can't give it any more.....

Don't know what you want

Don't know what you want

Idon't know what you want but I can give it any more

I don't know what you want but I can give it any more

You're breaking my heart

I don't know what you want but I can give it any more

I don't know what you want but I can give it any more...

Don't know what you want

Don't know what you want....

 

رابط لتحميل الأغنيه

تخاريف صيام

بلدياتنا نجح فى انتخابات مجلس الشعب

وفى أول جلسه قعد جنبه واحد أفندى وعزم عليه بسيجارة مارلبورو

خدها بلدياتنا , وهوّ بيشربها الأفندى سأله :

إيه رأيك فى الديمقراطيه ياحاج ؟

ردّ بلدياتنا : والله أحسن م الكليوباترا !!

***********

-لقد حكى لى صديقى سعيد قصه مؤثّره جدا حتى أنها أبكتنى

- بكاءا شديدا ؟

-نعم

- وتسمّى هذه صداقه ؟!!

*************

بأيام البرد ..

وأيام الشتا ..

.......

.......

عايزك تبقى جنبى !

*************

- أشعر بتحسّن كبير .. وأحب أن أدفع لك أتعابك

- الطبيب : هذا شىء سابق لأوانه .. لست قويا لهذه الدرجة بعد

*************

ذهب أحدهم لزيارة صديقه فى بيته ولم يكن قد زاره من مدّه طويله , فرآه يكنس المنزل فسأله :

- أمال الخدامه اللى كانت عندك راحت فين ؟

- ماأنا اتجوّزتها !!

**************

عند طبيب الأسنان ...

- لكن يادكتور , لاتخلع هذا الضرس , إن الذى يؤلمنى هو الضرس الذى بجانبه

- اهدأ ...اهدأ ... أنا فى الطريق إليه !!!

تجربة فريدة ..

أغنيه لمحمد فوزى اسمها

كلّمنى ..طمّنى

الأغنيه دى بيتهيألى الوحيده اللى تم استخدام الأصوات البشريه كبديل للآلات الموسيقيه فى سياق عبقرى للملحن والمطرب الموهوب محمد فوزى

فيه ناس بتقول إنه عمل كده بسبب مغالاة العازفين فى أجورهم وامتناعهم عن العمل

وفيه ناس بتقول إنه نفّذ الأغنيه دى كتجربه جديده وفريده فى الغناء المصرى نوع من البحث عن آفاق جديده للإبداع وكده يعنى

سواء كده وللا كده , النتيجه كانت أغنيه غايه فى الروعه والتميّز

واتفضّلوا :)

كلمنى.. طمنى.. وارحمنى يوم ياحبيبى

طال بُعدك.. طال هجرك.. فين عهدك.. فين ياحبيبى

ده القلب اللى إنت كاويه.. نار ياحبيبى

بابعت لك ميت مرسال

وأتارينى مانيش ع البال

وأتارينى عشقت جمال

أجمل من روح وخيال

عايش فى جفاك باستنى

ولإمتى هاعيش محتار

لاأنا طايل فيك الجنه

ولاطايل حتى النار

القلب اللى إنت ناسيه

مش راضى ليه ترد عليه

ده أنا شارى وإنت بتبيع

ليه ياحبيبى؟!!

كلمنى مره وقول.. مخاصمنى ليه على طول

ارحم قلبى المشغول وابعت له مرّه رسول

ليك حق تفرّح فيّا.. عُزّالى ليل ونهار

إكمن إيديك فى الميّه.. وأنا اللى إيديه فى النار

ده القلب اللى إنت ناسيه

نظره منّك تحييه

من غيرك يقدر يراضيه..

مين ياحبيبى؟!

وكمان رفعت الأغنيه هنا للى يحب يسمعها ويشوف بودانه -احم !! - عبقرية محمد فوزى الله يرحمه

سبعه ..

جمال مبارك ..

والله العظيم غبى !!

أنا لسّه داخل من برّه من شويّه لقيته بيتكلّم على القناة الأولى فى برنامج وجهة نظر مع عبداللطيف المناوى ..

الحمد لله ماسمعتش الحوار من أوله وإلا كان ممكن يجرى لى حاجه !

الأخ جمال دلوقتى بيجاوب سؤال عن 6 أكتوبر النصر والاغتيال

إكليشيهات وتكرار ممل لكل الرغى اللى ممكن يكتبه تلميذ فى ابتدائى  ...

وحوار بقى عن السلام والتنميه والتضحيات

وإزاى كان يوم 6 أكتوبر 81 يوم حزين وإنه كان معاه على المنصّه

 .....إلخ إلخ

ابن الجزمه مُملّ ومستفز !!

 

بس الحقيقه إنه حتى لو كان عاقل ومتزن ولبق وفيه كل الصفات الحلوه هنرفضه برضه لأن المسأله مش فى صفاته الشخصيه - الوحشه جدا بالمناسبه واللى ماتأهلوش يمسك كارته فى موقف ميكروباص - , المسأله مسألة مبدأ فى الأساس واحنا من أيام ماعرابى الله يرحمه ماقال " لقد خلقنا الله أحرارا ولم يخلقنا عبيدا أو عقارا ولن نُورّث بعد اليوم " واحنا بنحارب علشان نحكم نفسنا . هنيجى دلوقتى نسلّم مبارك وابنه نفسنا كده بالساهل ؟ وخصوصا بقى وإن ابنه مافيهوش أى صفه كويسّه  !!

فى الواقع إنه لو كان عاقل ومتزن و ... و... ماكناش هنلاقى نفسنا فى الموقف الزباله ده أساسا لأنه ساعتها كان هيبقى أعقل من إنه يورث الحكم

هوّه إحنا هنعمل إيه صحيح لما نصحى فى يوم نلاقيه ماسك الحكم ؟

هنعرف نشيله تانى ؟

هنعمل ثورة ؟

وللا هنقف عند شوية مظاهرات ومقالات ناريه ؟

من باب التسجيل ..

لىّ واحد صاحبى مات من حوالى سنتين

سنه و 5 شهور بالظبط

من فتره حلمت بيه أكتر من مرّه , وكان بييجى فى الحلم يتكلّم معايا عادى ويناقشنى فى أى حاجه

وأنا كنت باكلّمه عادى ولا كإنه ميت رغم إنى عارف - فى الحلم - إنه مات

يمكن لأنى كنت فرحان إنى قدرت أكلّمه تانى وأدردش معاه لأنه قبل مايموت كان شغال برّه بلدنا ومات فى حادثه وهوّ جاى

يمكن لأنى خايف إذا عرف إنه مات مايرجعش تانى يزورنى فى الحلم !!

يمكن أكون كنت خايف !

المهم إن فى كل مرّه كنت باشوفه فى الحلم كنت بادردش معاه عادى وهوّه ماكانش بيبقى عارف إنه مات وأنا ماباقولّوش ...

***********

اشتريت امبارح 16 عدد من ميكى جيب منهم حوالى 5 أعداد من أول 50 عدد صدروا

ومعاهم أول كتاب أجيبه فى حياتى عن السحر !

مش سحر قوى إنما قراءة غيب وحاجات من دى

جبته طبعا بدافع الفضول بس اللى أثار استغرابى شويّه إن صاحب المكتبه - وهو صاحبى بالمناسبه - كان مُعتقد جدا إن اللى فيه حقيقى بصورة ما لدرجة إنه طلب منى أحرقه بعد ماأقراه ومارضيش ياخد منى فلوس تمن الكتاب ..

****************

حمّلت مسلسل "دموع فى عيون وقحه" من منتدى dvd4arab

ذكريات حلوه مع المسلسل ده وموسيقاه وطبعا حكاية التمر هندى فى آخرحلقه بمناسبة رمضان وكده يعنى

*****************

Depressed

خير إن شاء الله

 

أنا لسّه صاحى من النوم من شويّه , وصاحى مبسوط قوى قوى علشان الحلم اللى لسّه شايفه

خير اللهم اجعله خير .. آل كنت قاعد مستنى واحد صاحبى

صاحبى ده المفروض إنه فى الجيش بس شغّال فى مكان مدنى

ساعات كده المجندين بيقوموا بشغل فى مهام مدنيه وأنا بقى كنت مستنيّه قصاد محلّ كانوا بيشتغلوا فيه

وقاعد بقى مع القائد بتاعهم- ماكانش ظابط - بندردش لحدّ مايخلّصوا

كنا قاعدين على بسطة سلّم عريضه , حاجه كده زى سلالم العمارات الكبيره الى هىّ شويّة درج وبعدين المدخل وبعدين بقى باب العماره والحوارات دى

المهم كان قاعد جنبنا على كرسى مين ؟

سيادة الريّس بشحمه ولحمه !!

آه والله العظيم

كان عجوووووووووووووز وتخين وقاعد ساند على عُكّاز

مش عارف كان بيعمل إيه هنا بالظبط بس أهوه كان قاعد

المهم كنت باتكلّم بقى مع القائد وكان بيشرح لى مخطّط الدوله فى المرحله القادمه للتخلّص من البطاله ..

الفكره عندهم كانت إنهم هيدخّلوا كل الشباب الجيش ويمرمطوهم فى الشغل علشان يبقوا رجّاله ويشتغلوا أى شغلانه مايهمّهمش علشان يجيبوا الفلوس

وممكن الشغل يبقى تبع القوات المسلّحه حتى لو فى مشروعات مدنيه واللى عايز يشتغل برّه بعد انتهاء فترة التجنيد هوّه حرّ ..

فأنا قلت له المهمّ مش إنهم يبقوا رجّاله أو يستحملوا , المهم هتدّوهم كام فى شغلهم معاكم ؟ ولو خرجوا واشتغلوا برّه برضه هياخدوا كام ؟ وهيبقى مطلوب منهم كام علشان يفتحوا بيت ؟

الراجل والحق سكت , بس الريّس ماسكتش ..

هوّه ماكانش سامعنى أصلا بحُكم الشيخوخه بس زى ماتقولوا كده بيشمّ المعارضه ولو فى آخر الأرض !

فراح مزعّق كده زى الناس العواجيز قوى :

"إيه اللى مش عاجبك ؟ , بتتكلموا فى إيه ؟ "

وكان عايز يضربنى بالعكّاز بس ماقدرش بحكم السن لأنى كمان كنت قاعد بعيد عنّه فراح ماسك خرطوم ميّه كان جنبه وبيرشّ علىّ منّه !!!

عداوه يعنى

فأنا ردّيت قلت له: مافيش حاجه , مابنتكلّمش فى حاجه .

طبعا مش ناسى إنه الريّس برضه وإنى قاعد مع قائد فى الجيش !

المهم قعد يبرطم شويّه وبعدين راح قايم متسنّد ع العكاز علشان يروّح - هوّه ده اللى حصل فى الحلم - ولما وصل للدرج .....

بالظبط :)

راح متدحرج من عليه ووقع على الأرض مابيتحرّكش

وأنا والقائد اللى جنبى ماتحرّكناش برضه ولقيت الراجل بيقول لى -لما جيت أقوم - استنى على مايموت ..

استنينا شويّه

وبعدين هيصه طبعا وزمبليطه , وبعدين حصل حاجه غريبه قوى

لقيت القائد اللى كان قاعد جنبى بيقول " أنا اللى قتلته " !! مش فاهم ليه ...

بس كان مبسوط قوى وهوّه بيقولها

ساعتها رنّ التليفون وصحّانى م النوم بس كنت قايم بقى مبسوط جدا  جدا جدا

خير ياأولاد إن شاء الله

ح تتأسّف ..

ح تتأسّف..

وتتندّم ..

وتتصرّف بحنّيه

وهتبالغ , وتحلف لى

مشاعرك ليّ أبديّه ..

وهمّ يومين وتتغيرّ , وترجع تانى متحيّر

ولا آسف ولا ندمان , ولا عندكش أى حنان

............

بقى لى زمــــــــان

بألفّ الدايره وأتعلّم من المحنه

بقى لى زمـــــــــــــان

وأنا بارجع وباتمسّك وأقول احنا

لكنّى خلاص ..

تعبت خلاص وفاض بىّ

وضاع آخر أمل لىّ

......

هتوعدنى ..

تعوّضنى

وتقبل أى تضحيه

وهتوافق على شروطى

ولاتسألنى إيه هىّ

وأنا هاصبر , وهاستنى

وأعيش الوعد بالجنّه

ولاتصدُق , ولا توفّى

ضياع العهد بيكفّى

وكنت غريب

بتتمادى وتتمادى

مع الأيام بقت عاده

مادام باغفر وتلقانى أهون مرّه

باهون تانى

......

أنا باعلنها

حبّيتك وحبّيتك وحبّيتك

وطول الوقت كنت معاك

لكنّى عُمرى مالقيتك

 

 

ودى كانت أول أغنيه سمعتها لأمل وهبى

بيتهيألى كده مفهوم أنا ليه باحبّ أمل وهبى برغم الخيّاله والليله عندنا !

وآدى رابط للأغنيه

Not Me !!

لايف ..

   

 

 

أصرخ قوى.. ؟؟

مش بعيده

جه فى بالى كده من يومين فكره غريبه شويه إن الغلاء الشنيع والمتصاعد يوم بعد يوم ممكن يكون مقصود !

أى نعم ..

مش علشان البلد اتسرقت جامد وعايزين يسرقوها كمان

مش علشان الاقتصاد العالمى بيأثرّ على الأسواق

طبعا مش علشان حرب العراق خوّفت المستثمرين

... إلخ

لكن يكون الغلاء ده كلّه علشان لما جمال يمسك ينزّل الأسعار وبكده يثبت قدراته الرئاسيه الفذّه وصواب نظرته الاقتصاديه ونجاح رؤيته للمستقبل ... إلخ

هىّ واسعه شويّه أى نعم ولعب بالنار لأن الناس هتاكل بعضها بصراحه دلوقتى بس مش بعيده على حكومتنا ولا على ريّسنا المبجّل

وباعتبار إن عامة الشعب يهمّها لقمة عيشها بس فلما تيجى إنت ياساب يامثقّف تقولّه لا للتوريث ومن الناحيه التانيه يلاقى جمال نزّل أسعار السلع تانى أو رفع المرتبات هيقولك اركن على جنب ياأستاذ ونعم لجمال مبارك ..

اللى جاب الفكره الغريبه دى فى دماغى إن العمليّه زادت قوى قوى قوى

الأسعار دلوقتى بدأت تدخل فى نطاق المستحيلات بالنسبه لميسورى الدخل مش محدودى الدخل كمان

ويمكن والله أعلم مايكونش حاجه غير غباء مزمن وتعامى عن النهاية الوشيكه للنظام والحكومه نتيجة إن ماعادش هاممهم الشعب فى حاجه ولامؤاخذه

حضرة المتهم

وكنا لسّه بنجيب فى سيرة عم نجم سمعت له كلمات تتر المسلسل طبعا مع صوت مدحت صالح وألحان ياسر عبد الرحمن يبقى حاجه كده مالهاش حلّ وتخلينى أدعى وأقول ربّنا يخلّى لنا نجم ويبعده عن جمال وأبو جمال  ..

المقدّمه

نازل وأنا ماشى ..ع الشوك برجليا

وإنت السبب يابا..  ياللى خليت بيا

لافرشت لى بستان..  ولاحتى بر أمان

أعيش عليه إنسان.. والدنيا فى إيديا

وأنا لمّا جيت م الغيب.. العدل كان كيفى

والحق كان مطمعى.. والحب كان سيفى

دقّيت على الأبواب ..لقيتنى فى السرداب

غابه من الأنياب.. مسنونه حواليا

مع الأسف يابا.. الدنيا دى غابه

مالناش مكان فيها

ياعينى ياوعدى ..ع المغرمين بعدى

والطيببين فيها

ع الطيبين فيها ..

 

النهايه

حقّك على عينى .. يابنى يانور عينى

لاجل الوفا بدينى .. لك عندى بعض كلام

أنا كنت وحدانى .. والدنيا واخدانى

عايز ونيس تانى .. يقاسمنى فى الأحلام

غريب وأنا فى بلدى .. جبتك تكون سندى

انصفنى ياولدى .. اصبر على الأيام

 

وآدى روابط للتحميل جبتهم من الموضوع ده اللى فتحه Alloly

آدى المقدّمه

وآدى النهايه

وآدى نجمه واقعه من السما

 

بيتهيألى أى حدّ دخل البلوج ده لاحظ إن أهم صفه فىّ هى الكسل العنيف جدا جدا جدا

رغم إن غالبا بيبقى عندى كلام نفسى أكتبه هنا أو أقوله بس باكسّل أو باطنّش أو بانسى ..

احتمال الحكايه دى تكون جزء من أعراض الاكتئاب واحتمال يكون خوف من مواجهة الجماهير !!

أيوه , ماهو من الأشياء العجيبه إن فيه ناس بتيجى هنا وبتقرا البلوج - ودى ظاهره عجيبه مش قادر أستوعبها بصراحه بس آهى بقت موجوده - وطالما فيه حدّ بيقرا يبقى لازم أكتب حاجه تستاهل تتقرى أو على الأقل أحاول ....

المهم إن سواء خوف وللا اكتئاب فالمحصّله النهائيه إن بوستاتى فى البلوج قليّله جدا جدا

ومن النهارده هاحاول أغير ده إن شاء الله

على الأقل من باب محاربة الاكتئاب ومكافحة زحفه الدؤوب على حياتى

أولا نصيحه لكل اللى داخل هنا يدخل ع الموقع ده

ويحمّل برنامج Live Writer

البرنامج ممتاز فعلا وبيسهّل كتير على الكسالى من أمثالى فى كتابة البلوج

 نيجى بقى لعنوان البوست ده

نجمه وقعت من السما ...

اللى أقصده هو " أحمد فؤاد نجم " شاعر العاميه الذى لايكفينى هذا البلوج لأوفيه حقّه من المديح

تاريخه ونضاله وبالطبع موهبته ...إلخ

بس فى عدد الدستور الأخير بتاريخ 27 سبتمبر كتب مقال غريب شويه

أنا اتصدمت منّه بعنف , وعلشان أوضّح آدى جزء من كلامه

" وصلنا إلى بيت القصيد الذى هو موضوع جمال مبارك والتوريث فى مصر المحروسه وقصيدتى الأخيره عريس الدوله وبقدر ماكان عتاب منى الحسينى رقيقا بقدر ماأوجعنى وآذى مشاعرى فقلت لها إن هذه القصيده لم تكن إلا مداعبه خفيفه لاأعتقد أنها تؤلم أو تثير الغضب وعلى العموم إذا كانت المداعبه لم تصل فأنا أعتذر لجمال مبارك.. أولا لأننى لاأقصد إيلامه لأننى لاأعرفه معرفه شخصيه بل بالعكس فأنا مُشفق عليه من تحمّل تبعة نظام أبيه الذى أهلك الحرث والنسل ..لماذا يتحمّل هذا الشاب تبعات أفاعيل يوسف والى وزكريا عزمى وكمال الشاذلى وفتحى سرور وباقى قائمة زبانية الحزب الوطنى . أقول لجمال مبارك اخرج من هذا الجب المعتم وتعالى بمفردك وقدّم لنا نفسك وبرنامجك فنحن أهلك وأنت ابننا , انزل إلى الناس ياولدى فالناس لن يأكلوك "

يعنى إيه الكلام ده ياعمّ نجم ؟

هوّه خلاص بقى قدرنا إن جمال مبارك جاى وقاعد بتنصحه ؟

لأ وكمان بقى شاب برىء ومالوش ذنب وبعدين فيه فقره تانيه فى المقال بيتكلم فيها نجم عن الملك فاروق والشعب كان بيحبّه إزاى لما مسك برضه وهوّه صغير ..

هوّه مش احنا خلاص بقينا جمهوريه وللا ساعتك رجعت أخّرت يابو النجوم !!

هوّه جمال مبارك ده ياعينى نُغّه , عيّل صغيّر أبوه جابه من المدرسه وقاله تعالى امسك البلد شويّه على ماأريّح ضهرى ساعتين

ده كلب زى أبوه , وعايز ينهبنا زى أبوه وعايز يركبنا زى أبوه

بتنصحه ليه ؟

إنت فكرك إنه أساسا يهمّه أى حدّ فيكم وللا فينا ؟

وللا فاكره بيقرا الجرايد أصلا ؟

لما الكلام ده ييجى منّك إنت وفى الدستور عايزهم فى روز اليوسف يكتبوا إيه ؟

وبعدين فيه جمله تانيه فى المقال

" ياأستاذ جمال إنت فلاح منوفى ماإنتاش خواجه " !!!!!!!!!!

بأمارة إيه ياعمّ فاجومى ؟

لاعُمره مسك فاس ولا حتّى ركب حمار , وللا يمكن قصدك فلاح علشان عنده ييجى كام ألف فدان من أرضنا اللى سرقها هوّه وأبوه , ماهو اسمه عنده طين برضه ...

صدمتى الأساسيه من المقال ده إن المفروض إن الإعلام الرسمى كلّه بيأهلنا خلاص لقبول فكرة جمال مبارك والمفروض إننا أساسا رافضين المبدأ حتى لو كان جمال مبارك ده فرخه بكشك

حتى لو كان هيخلّى مصر جنّه - وده مش هيحصل - لأنه لو خلاها جنّه هييجى ابنه أو ابن ابنه  يخربها وشاعتها هنعمل ثوره تانى علشان الشعب يحكم نفسه بنفسه !!

هوّه احنا فاضيين قوى كده علشان نراجع تاريخنا كلّ شويّه ونعيده م الأول ؟

وبعدين فيها إيه لما جمال مبارك يزعل وللا ينفلق من قصيدتك ؟

ياأخى طب ياريت يحسّ على دمه ويعرف إننا كارهينه مش بس مش عايزينه

وكفايه كده قبل ماأكسّر لوحة المفاتيح وللا أولّع فى الشاشه