وأنا صغير اتفرجت على الفيلم ده مش فاكر إمتى أو فى برنامج إيه بالظبط
وكل اللى علّق معايا من الفيلم جملة poor jenny .. bright as a penny مع اللحن بتاعها ..
حتى كنت متلخبط فى اللى بتغنيها وكنت فاكرها ليزا مانيللى وقعدت أحمل فى أفلام ليزا مانيللى علشان ألاقى الفيلم بقى اللى فيه الأغنيه دى ومافيش فايده !
لحد مايوم ربنا فتح عليا وقلت طب أدوّر بكلمات الأغنيه نفسها اللى أنا فاكرها ..
وبعد محاولات ومحاولات اكتشفت إن اسم الأغنيه The Saga Of Jenny وإنها مشهوره وكده
وبعدين لقيتلها فيديو على يوتيوب .. بس كان لجولى أندروز ؟
مش مهم .. نتفرج بس كده وآهى حاجه من ريحة الطفولة ..
وطلعت هى اللى أنا كنت بادور عليها :)
وبما إنها مرفوعه جاهزه على يو تيوب, فاتفضّلوا ..
4 comments:
هيه على فكرة
Poor Jenny
Pride , not bright , as the penny
اسمعها تاني كويس كده
و حتى المعنى العام للأغنية بيؤكد ده
لأنها مش بترضى بأي شيء و ليها اعتراض دايما على كل حاجة ، و بتؤجل الحياة مرة بعد مرة
حتى مهما ساءت بيها الظروف
بدعوى انها
she would make up her mind !!
لحد ما جرت بيها السنين و كبرت في السن
لحد ما ماتت
-----
أنا أول مرة أشوف الأغنية دي و أول مرة أصلا أشوف حاجة استعراضية ل جولي أنذروز
يعني الأفلام اللي شوفتهالها ، إما كانت غنائية ، أو رومانسية ، أو درامية
و عمري ما شفت ليها قبل كده حاجة فيها استعراض
بس الأغنية تحفة بجد
و مأسوية قوي ، و يمكن المزيكا ال
light
بتاعتها بتؤكد أكتر من حسها الدرامي المأساوي
فعلا
Poor Jenny !!!
----------------------
غير كده بقى عاوزة أطلب منك خدمة :
و كل مرة أقعد ع النت أنسى أقولك عليها ، مع إنها من زمااان جدا
كنت عاوزة أخلي البانر اللي انت عملته بانر مستخدم في كل البوستات بتاعة حل المشاكل دي
لأنه البانر الوحيد الموجود بالعربي ، إضافة لكونه كويس فعلا
بس المشكلة في نقطة : إني مش عاوزة لهجة التوكيد الزيادة عن اللزوم اللي موجوده في الجملة المكتوبة عليه :
" ، طبعا عندك مشكلة ،
الحل عند شغف "
يعني عاوزة جملة أبسط شوية
مثلا :
لو عندك مشكلة ، شغف ممكن تساعدك
حاجة كده يعني
فاهمني ؟
منتظرة ردك
و شكرا جزيلا
ع الأغنية ، و ع البانر :)
تؤ
هى برايت !!
افتحى اللنك ده
http://www.soundtracklyrics.net/song-lyrics/lady-in-the-dark/saga-of-jenny.htm
هتلاقى كلمات الأغنيه والمعنى بالعربى ماشى مع برايت
جينى الصغيره اللى بتبرق زى البريزه الفضه !!
إنما عموما أنا ماكنتش واخد بالى من كلمات الأغنيه أساسا وأنا صغير .. لكن اللحن ماسابش دماغى طول العشره خمستاشر سنه اللى فاتوا هو ولحن الأوبريت بتاع كوخ العم توم اللى كان فى فيلم "الملك وأنا" بتاع يول براينر
ماعرفتش قيمة الاتنين دول بجد غير بعد ماحملتهم وسمعتهم تانى وأنا كبير
والحمد لله على النت :)
-----
المخل وصاخب المخل تخت أمر خضرتك ياأفندم :D
علم وجارى التنفيذ
بس سامحينى لو اتأخرت شوية علشان مشاغل الدراسة !
مش عارفة ، احتمال
أنا شفت الكلمات ، و هيه مكتوبة زي ما قلت فعلا
و قبل ما أشوفها خطر على بالي برضة إن
bright
متوافقة نحويا لأنها صفة
لكن
Pride
اسم مش صفة
و رجعت قلت إن النظم له خصوصيته / خصوصا و إن الجملة مش كاملة
يعني مش
Jenny is bright as a penny
مثلا
يمكن اللي خلاني أقول انها
Bride
مش
Bright
هيه تكملة الأغنية
خصوصا الجملة اللي ذكرتها قبل كده ، و الجملة دي برضة
Her equal would be hard to find
يعني نقطة الكبرياء الشديد اللي بتتميز بيه ، و اللي مخليها مش قادرة تعيش حياتها ، و رافضة كل الاختيارات اللي بتلوح ليها لحد لما تموت من غير ما تحقق اي حاجة
لكن
Bright
تهم اللي حوالين الانسان أكتر من نفسه
يعني لما تقول
جيني الصغيرة ، كبرياء كبريزة فضة
غير لما تقول
جيني الصغيرة التي تبرق كبريزة فضة
في الحالة الأولانية ، حالة الكبرياء الكاذبة اللي عايشه فيها هيه اللي متسببه في اللي حصل في بقية الأغنية بعد كده
لكن في حالة
بتبرق كبريزة فضة
فالتركيز ع البريق
البريق اللي بيخدع اللي حواليها
مش هيه
و ده اللي مش موجود في الأغنية
لكن ع العموم ، مادام موجوده في الكلمات ، و انت سمعتها كده ، يبقى خلاص هيه كده
و أنا ركبتها طبقا لبقية الأغنية ، مش للكلمة نفسها
---------
أنا فاكرة فيلم الملك و أنا ، و فاكرة استمتاعي بيه و بأجزاء معينة منه و أنا صغيرة برضة
بس للأسف مش فاكرة أغنية كوخ العم توم دي
ابقى نزلها يا ليو ع البلوج برضة
-------------------------
يا عم و لا يهمك
براحتك و ربنا يعينك
اذا كان أنا نفسي ، بقالي يجي 3 أشهر و لا أكتر ، لحد ما افتكرت أقولك ع الحكاية دي
- الزهايمر بقى -
و كنت ساعات بأجي عندك هنا حتى /و ما أفتكرش خالص أقولك
غير و أنا ماشية في الشارع مثلا
بأعمل أي حاجة بعيد عن الجهاز
ما تعرفش ايه اللي بيحصل للواحد اليومين دول
وقت ما تفضى خااالص ابقى شوف الحكاية دي
أنا فاهم إنتى بتتكلمى عن إيه من أول تعليق ياشغف :)
وعموما أنا معظم الأغانى الأجنبى اللى باسمعها باسمع المعانى اللى أنا عايزها غالبا وبتتحول الكلمات بقدرة قادر علشان تدعم المعنى اللى أنا سامعه !
ولو إنه مش دايما بيبقى معنى قوى زى اللى إنتى بتتكلمى عنه ;)
-------
نزلت الأوبريت خلاص ..
وإن شاء الله هتحبيه هو كمان :)
-------
كمان عملت محاولة بسيطة كده لبانر متحرك المره دى
لو ده اللى تقصديه يبقى أوكى .. جميل ونظبّط على كده
لو أنا مافهمتكيش قوى ياريت توضحى لى التغييرات اللى عايزاها
....
Post a Comment