قبل أما تدب خطاكي بأدوب .. و أتحرق م الشوق الملهوب
و أتوجع كالفهد المجروح
وما إن يتبدى لي محياكي .. و أدوق الرحمة بنبع هواكي
بساتين الفردوس تلوح
روحي فيكي تروح
دوح .. جميل الروح
حسبك شتيتي العقل أشتات .. و جنيتي نجوم السماوات
و عديتي الحسن المسموح
إن قلت وداع أنقسم اتنين .. فارس متمرد ع القوانين
و كسير مسلم ما بيبوح
روحي فيكي تروح
دوح .. جميل الروح
ولهان في موجاتك سبحان .. محاوطني المي و ظمآن
رويني للشوق ينوح
روحينا من بين الأرواح .. بيتلاقوا صافيين ملاح
بفردوس العشق المفتوح
من ألبوم فى قلب الليل
تقدروا تلاقوا أشهر أغانى على الحجار وتحملوها سواء صوت أو كليبات على موقعه
كلمات الأغنية جبتها من نورماندى
4 comments:
مش فاكر كلمات مين بس ألحان وتوزيع كامل شريف سنة 1987 تقريباً..
الكلمات لعصام عبدالله الله يرحمه
والتوزيع زى ماإنت قلت لكامل شريف
لكن الألحان كانت لحسين فوزى تبعا لموقع رابطة عشاق على الحجار
http://elhaggar.blogspot.com/2008/07/blog-post_813.html
وبالمناسبه عصام عبدالله له شوية أغانى روعة مع أنغام زى من بعيد فى ألبوم بتحب مين وطبعا وحدانيه !
كامل الشريف صاحب التوزيع فعلا
بس اللحن مش لحسين فوزي
حسين ملحنش غير حرما يا سيدي ف الالبوم ده
زمان حد كان قال ان اللحن فولكلور مغربي بس حاولت اتأكد من ده دلوقت معرفتش
بس الاكيد ان الملحلن اسمه مش موجود
تبقي المزيكا من فولكلور بلد ما
شوف الباك كوفر ده
علي جنب كده
عمر خيرت اللي كان بيلعب درامز ف الغنوة دي
عصام كانت الغنوة واحدة من علاماته وقبلها كان احساسي صحيح
اللي كسرت الدنيا ف وقتها
وعرفتيني لايمان البحر اللي فرقت برضه اوي، وبعدهم الطول واللون والحرية ولو بطلنا نحلم
أول مره أعرف إن مودى الإمام هو ملحن فى قلب الليل ..
وآدى سبب قوى كمان إنى أحب الأغنيه دى زيادة
!
Post a Comment