كما فقدت قوى مكافحة الشغب عددا من عناصرها في حادث مروري أدى إلى انقلاب حافلة، كانت تقل عددا من الجنود في منطقة العباسية، وسط القاهرة اليوم.
وأدى الحادث إلى مقتل سبعة أفراد من الشرطة وجرح 20 على الأقل.
وأشارت الأنباء ان الجنود كانوا في طريقهم لتعزيز التواجد الأمني حول المحكمة التي تشهد محاكمة بسطويسي ومكي.
وأعلنت الشرطة مقتل 10 تم عادت وخفضت الرقم إلى 5 بعد ذلك.
ده جزء من الخبر اللى على البى بى سى تعليقا على اللى حصل النهارده أمام نادى القضاه
محاكمة القاضيين اتأجلت للأسبوع الجاى
والضرب فى المتظاهرين شغّال على ودنه
أول ماقريت الخبر لقيت نفسى باقول أحسن !!
وبعدين -فجأة- انتبهت لأننا فى مصر مش فى فلسطين المرّه دى
وإن قوات الشرطه دى ممكن يكون فيهم ابن خالى اللى شغال أمين شرطه
وإن اللى بتضربهم قوات الشرطه مصريين برضه وممكن يكون بينهم ابن خالى التانى أو بنت خالى الطلبه فى الجامعه
الوضع قاتم لدرجة إنى مش قادر ألاقى كلام فعلا
فيلم البرىء مش قادر يسيب دماغى
" ضحكوا عليك ياسبع الليل " وفى النهايه الاتنين بيموتوا
الشعب بيموت
والجنود اللى بتفهم بتموت
وفضلت الحكومه
وكلاب الحكومه
بس أنا عارف إننا مش هنموت
المره دى مش فيلم
وبيننا وبينكم الزمن يا آل مبارك
9 comments:
فعلا الواحد اول ما سمع الخبر
قال اخيرا بعضا من الى بيعملوه فينا
بس معدتش ثانية الا و الواحد اخد باله انهم عبد المأمور اكتر ناس غلابة من الى بيضربوهم
على الاقل ان الى بيضربوهم قدروا يقولوا لاء
دولة حتى مش عارفين يقولوها
انا لله و انا اليه راجعون
عندك حق بجد
احنا فى الاخر الى خسرنا مش هم
رغم سعادتى بإنى ألاقى تعليقك كأول تعليق لأى حد على أى كلمه كتبتها
بس للأسف فعلا مش عارف أقول إيه
تقريبا ماعادش لينا غير إننا نكشف راسنا وندعى ع الحكومه !!
أو البديل الوحيد
هو ثورة مسلّحه
مش من الجيش المرّه دى زى 23 يوليو لأنهم عملوا حسابهم من بعدها كويس علشان حاجه زى كده ماتتكررش
لكن من الشعب المرّه دى
مش اعتصام جماعى
أو مقاطعه شامله
أو إضراب سلمى
لأ
ثوره مسلّحه
حرب أهليه يمكن !!!!
نظرية الفوضى الخلاقه اللى كانت بتقول عليها كونداليزا رايس
خلّى الدنيا تولّع بقى
وياناخد حقنا ونطردهم لانجلترا عند أهل سوزان مبارك
أو نموت بقى ونخلص من القرف ده
على الأقل هنموت شهداء
وللا لازم أستنى لما أدخل المعتقل ويغتصبونى - أيوه بيغتصبوا الرجاله كمان - علشان أقرّر أموتهم وأخلّص الدنيا من ظلمهم
والله يا ليو البشر الاربعة دول محتاجين يكشفو جملة كدة هما مع بعض
بس هاقول ايه كل انسان وله معاده
ايه الصوره اللي تسد النفس اللي انت حاطتها دي
وبعدين اصلا اللي ماتو دول غلابه من بتوع تمام سياتك يا فندم
اوامر حضره الباشا المامور
الله يرحمهم وياخد اللي في بالي
Greets to the webmaster of this wonderful site. Keep working. Thank you.
»
What a great site, how do you build such a cool site, its excellent.
»
This site is one of the best I have ever seen, wish I had one like this.
»
Nice! Where you get this guestbook? I want the same script.. Awesome content. thankyou.
»
Very pretty site! Keep working. thnx!
»
Post a Comment