امبارح الفجر كبس علىّ النوم
كنت لسّه واكل والتخمه عامله عمايلها وسهران بقى وبتاع
بس علشان كنت عايز أصلّى الفجر قلت أنا هاغمّض عينى ساعه كده وأسيب نور الأوضه مولّع
وظبطت الموبايل علشان أصحى بعد ساعه
ظابط الموبايل وسايب النور مولّع , كويّس ؟
صحيت الساعه 9 الصبح النهارده لقيت النور مطفى
قلت عادى جايز الكهرباء قطعت
لقيت الكمبيوتر شغّال زى ماأنا سبته امبارح
وكذلك الفيديو
واللمبه بتاع الأوضه فلورسنت عاديه مش لمبه يابانى م اللى بيطفوا لوحدهم لما النهار يطلع
يبقى فيه إيييييييييييييييه ؟!!
كون إنى ماصحيتش بعد ساعه لما الموبايل رنّ ده شىء عادى
ممكن يكون قعد يرّن لحد ماسكت لوحده لأنى نسيت أعلّى صوته على الآخر
دى مافيهاش مشكله
إنما إن النور ينطفى لوحده؟؟
الاحتمال الأول إن أى حد م البيت دخل ولقانى نايم ف راح طافى النور
ماحصلش لأنى باقفل أوضتى بمفتاح من جوّه لأنى قاعد فوق لوحدى وكنت كمان سايب المفتاح فى الباب
يعنى ماحدّش يقدر يفتحه من برّه إلا إذا شلت المفتاح بتاعى من جوّه
الاحتمال التانى إنى بامشى وأنا نايم
يعنى أنا أكون قمت وطفيت النور وأنا نايم ورجعت تانى زى ماكنت تحت البطانيه
وده عايز وعى كامل منى وأنا نايم لأن بينى وبين مفتاح النورمكتب وكرسى وترابيزة الكمبيوتر
ده غير إنى ماعملتهاش قبل كده
ولو أنا متعوّد على المشى وأنا نايم كان زمان أى حدّ من أصحابى أو قرايبى اللى نمت عندهم قبل كده خد باله
وقال لى أو كنت أصحى ألاقينى مثلا واقف فى الشارع
أو أى حاجه من الحاجات اللى بجد دى
مش أمشى وأنا نايم وأحتاج علاج نفسى بقى وحركات بس علشان أطفى النور !!
الاحتمال التالت طبعا هو حبايبنا العفاريت :)
وخصوصا إنها مش المرّه الأولى اللى يحصل فيها كده
أيوه
حصلت بنفس الطريقه من حوالى كام شهر بس أنا ساعتها قلت جايز نمت بعد ماطفيته
لكن المرّه دى أنا متأكد
عموما هاحاول أعمل تجربه كده تانى وأكرّر حكاية النوم والنور مولّع ونشوف
كنت لسّه واكل والتخمه عامله عمايلها وسهران بقى وبتاع
بس علشان كنت عايز أصلّى الفجر قلت أنا هاغمّض عينى ساعه كده وأسيب نور الأوضه مولّع
وظبطت الموبايل علشان أصحى بعد ساعه
ظابط الموبايل وسايب النور مولّع , كويّس ؟
صحيت الساعه 9 الصبح النهارده لقيت النور مطفى
قلت عادى جايز الكهرباء قطعت
لقيت الكمبيوتر شغّال زى ماأنا سبته امبارح
وكذلك الفيديو
واللمبه بتاع الأوضه فلورسنت عاديه مش لمبه يابانى م اللى بيطفوا لوحدهم لما النهار يطلع
يبقى فيه إيييييييييييييييه ؟!!
كون إنى ماصحيتش بعد ساعه لما الموبايل رنّ ده شىء عادى
ممكن يكون قعد يرّن لحد ماسكت لوحده لأنى نسيت أعلّى صوته على الآخر
دى مافيهاش مشكله
إنما إن النور ينطفى لوحده؟؟
الاحتمال الأول إن أى حد م البيت دخل ولقانى نايم ف راح طافى النور
ماحصلش لأنى باقفل أوضتى بمفتاح من جوّه لأنى قاعد فوق لوحدى وكنت كمان سايب المفتاح فى الباب
يعنى ماحدّش يقدر يفتحه من برّه إلا إذا شلت المفتاح بتاعى من جوّه
الاحتمال التانى إنى بامشى وأنا نايم
يعنى أنا أكون قمت وطفيت النور وأنا نايم ورجعت تانى زى ماكنت تحت البطانيه
وده عايز وعى كامل منى وأنا نايم لأن بينى وبين مفتاح النورمكتب وكرسى وترابيزة الكمبيوتر
ده غير إنى ماعملتهاش قبل كده
ولو أنا متعوّد على المشى وأنا نايم كان زمان أى حدّ من أصحابى أو قرايبى اللى نمت عندهم قبل كده خد باله
وقال لى أو كنت أصحى ألاقينى مثلا واقف فى الشارع
أو أى حاجه من الحاجات اللى بجد دى
مش أمشى وأنا نايم وأحتاج علاج نفسى بقى وحركات بس علشان أطفى النور !!
الاحتمال التالت طبعا هو حبايبنا العفاريت :)
وخصوصا إنها مش المرّه الأولى اللى يحصل فيها كده
أيوه
حصلت بنفس الطريقه من حوالى كام شهر بس أنا ساعتها قلت جايز نمت بعد ماطفيته
لكن المرّه دى أنا متأكد
عموما هاحاول أعمل تجربه كده تانى وأكرّر حكاية النوم والنور مولّع ونشوف
10 comments:
يا سيدى لو جت على طفيان النور مفيش مشاكل
وبعدين مين فى الازمان ده لاقى الى يوفرله فى الكهرباء
وبعدين مفيش احن من حبيايبنا دولة علينا
ابقى قول ايه الى حصل مع تكرار التجربة
سيبك من التوفير فى الكهرباء
الفاتوره كده كده مالهاش دعوه بالاستهلاك الفعلى !!
كان فيه مهندس من اللى شغّالين فى الكهرباء كتب -بدون ذكر اسمه طبعا- فى جريده أسبوعيه يمكن الدستور مش فاكر
إن الوزاره أو الهيئه بتزوّد فى الفواتير بطريقه عشوائيه وبقيم عشوائيه
ولأن معظم المواطنين مابيشتكوش وبيدفعوا وخلاص بتعدّى عملية السرقه دى بدون مشاكل :)
أما اللى يشتكى أو يرفع قضيه ويكسبها فمافيش مشكله
الهيئه تعتذر وتردّ له حقّه
!!!
غالبا ده مش نظام خاص بالكهرباء لوحدها, وطبعا ادفع الأول وبعدين اشتكى :)
عموما خلينا فى عفاريتى
كرّرت التجربه المرّه دى وصحيت لقيت النور مطفى برضه
بس المرّه دى مش عفاريتى
المره دى كانت الكهرباء مقطوعه أصلا
أنا عموما هاواصل التجارب يمكن لحد ماأتأكد إن فيه عفاريت أو ألاقينى بامشى وأنا نايم
أو أتجنن !!
بهية اللى طفت النور
خلى بالك واستمر فى التجارب و قولنا النتايج
بهيّه مين ؟
أنا العفريته اللى عندى اسمها باكينام !
وإن شاء الله أول مايثبت جنانى أو وجود العفاريت هابلّغكم بالنتايج
وممكن أبعتلكم شوية عفاريت نونو تلعبوا بيهم :)
يا راجل انت بتتكلم في لمبه
امال انا اعمل ايه بس
انا ببقي ظابطه الموبيل ومعليه صوته جداااااااا وببقي مجربه قبل ما انام اصحي الاقيه مقفول
وساعات كتير برد علي تليفونات ومفتكرش بقول ايه ولا حصل ايه وبتفق علي مواعيد وانا مش حاسه بحاجه ويجيو يسالوني اقلهم محصلش
اما الكمبيوتر بقي فا متعدش مره اسيبه اصحي الاقي الكمبيوتر مقفول كله والشاشه والراوتر والسمعات وكل حاجه
وبقي متاكده اني سايباه مفتوح
ومره ابقي قفلاه اجي الاقيه مقفول بس الشاشه والراوتر والسماعات مفتوحين
ومره الاقي الكيسه شغاله والشاشه مطفيه
وحاجات كتيره متعدش
احم !!
لأ, عفاريتك يكسبوا طبعا
وأنا لما أقابل العفريته العبيطه بتاعى دى هابقى أبعتهالك تتعلّم الشغل اللى على أصله وترجع :)
I'm impressed with your site, very nice graphics!
»
This site is one of the best I have ever seen, wish I had one like this.
»
Very pretty design! Keep up the good work. Thanks.
»
Really amazing! Useful information. All the best.
»
Post a Comment