من المطربات اللى مرّوا بسرعه زى الشهاب فى الساحه الغنائيه واختفت
رغم تميّز صوتها وأسلوبها
كل اللى أصدرته ألبوم واحد اسمه أوّل كلامى
واشتركت فى أكتر من ألبوم مع مطربين تانيين
وعملت أكتر من دويتو كان من أشهرهم دويتو وسط الدايره مع محمد منير
وكمان باحبك باستمرار مع علاء عبدالخالق
وعملت تتر ألف ليله وليله فى السنه اللى كان أبطالها آثار الحكيم وفاروق الفيشاوى
النهارده لقيت لها فى منتدى افتكاسات ألبومها بصوت ممتاز رفعه مونتى
فقلت أكتب عنها وأفكّر الناس بيها خصوصا اللى من سنّى !
كان ليها أغنيه واحده بس عملتها كليب وهى
ياشمس غيبى
ياشمس غيبى فى بحور الغروب
روحى لحبيبى فى سحاب الدروب
قوليله ليلاتى باستنى الرجوع
وأتنهّد آهاتى تطفّى الشموع
وأتصبّر ياعينى بدموعى وحنينى
لو قلبه ناسينى , أنا عنّه ماأتوه
وسهرت بالأمانى أستنى اللى رمانى
صحيت لى الشمس تانى م البحر الغريق
وقالت لى روحى نامى ماخلاص ضاعت أسامى
من شجر الطريق
ردّت منى عينى بدموعى وحنينى
لو قلبه ناسينى , أنا عنّه ماأتوه
ومشيت ويّا الشوارع فى الليل أبو المواجع
أسأل عنّه اللى راجع من نفس المكان
والناس قابلونى ياما سألونى بالملامه
فين راح اللى كان؟
ردّت منى عينى بدموعى وحنينى
لو قلبه ناسينى أنا عنّه ماأتوه
الكلمات كعادة الفتره دى كانت مش عاليه قوى !!
بس الذكريات بقى ^_^
عموما آدى رابط ياشمس غيبى
وكمان أغنيه جميله فعلا فى الألبوم اسمها طب ليه
وللى مش مشتركين فى منتدى افتكاسات آدى باقى الأغانى مع الشكر للأخ
MoonTy
أول كلامى
غلّبنى الشوق
حلوين
الهوى دوّار
زى الطيور ودى ممتازه فعلا
قوى !!
11 comments:
ذوقك عالى فى الاغانى يا ليوناردو
اغنية يا شمس غيبى من اكتر الاغانى اللى بحبها فعلا وللاسف فى كل مواقع الانترنت اللى اعرفها بتنزل اغانى مش بلاقى اسم اميرة ولا منى عبدالغنى
شكرا على الشريط الجميل وجارى التنزيل
ميرسى يافيولينا
أنا سعيد إن فيه حدّ فاكر أميره أصلا لحد دلوقتى :)
خلّيتينى أفتكر أيام عذابى مع منى عبدالغنى !!
أنا فضلت سنتين تقريبا أدوّر على ألبوم جريئه اللى فيه الأغانى اللى كانت فى فيلم الباشا وفى صدفه مابتتكرّرش أصلا لقيت الألبوم كامل فى سيبر كنت باعمل فيه داونلوود قبل ماأدخّل النت فى البيت
لحد دلوقت ماأعرفش جاب الألبوم ده إزاى وللا منين خصوصا إنه كان الألبوم بس من غير أى أغانى تانيه لمنى عبدالغنى بس مش مهم , المهم إنى لقيته أخيرا ..
كان يوم عيد ^_^ !!!
وعلى فكره لو مشتركه فى منتدى افتكاسات ده ادخلى هتلاقى شوية حاجات ممتازه فعلا ولو بتحبى أنغام هتلاقى أعمالها الكامله موجوده , أنا بانزّل كل اللى ناقصنى من ألبوماتها دلوقتى :)
ممكن من ففضلك رابط يكون شغال؟؟؟؟
نفسى فيها بجد
تحت أمرك ياست نهى
يومين بالظبط إن شاء الله وأجيبلك رابط لأنى مشغول جدا دلوقتى
والحمد لله مش يومين ولاحاجه :)
آدى رابط لأغنية ياشمس غيبى
وأى خدمه
http://www.4shared.com/file/3351199/4514d6db/03_ya_shams_ghibi.html
يا اللة اميرة مرة واحدة ؟ انا كنت بموت لما تقول
قالوا زمان الهوي بيجمع العاشقين واللي ماداق الهوي بيعيش يا قلبي حزين بطريقتها ال magical
وسط الدايرة ممكن اشهر اغانيها فعلا حتي اشهر من بحبك باستمرار اللي طلعت روحي علي مالقيتها
عارف فاضل اية بقي
ليلي غفران لو حتي هيرفضني العالم
والاحلي علاء عبد الخالق.. هتعرفيني اغنية سلو ونكد بس كانت رائعة
اةة في اغنية اسمها انا حلمك لهشام عباس اسمعها هتعجبك
لو عايزه ليلى غفران أنا تحت أمرك
الألبوم ده كلّه كان تُحفه أصلا مش أغنية لو حتى هايرفضنى العالم بس
لو مش عندك الأغنيه قولى وأنا أرفعهالك
وأغنية هشام عبّاس طلعت جميله فعلا :)
أتارى الواحد عنده كنوز ع الهارد من غير ماياخد باله !
بس أغنية هتعرفينى دى ماسمعتهاش بصراحه , لو عندك ياريت ترفعيها لأنى جيت أشوف أغانى علاء عبدالخالق اللى عندى لقيت الفولدر بتاعه كلّه مش موجود :(
مافيش غير باحبك باستمرار مع أميره وأغنية قلبى طياره ورق
لأنى كنت حاططهم فى فولدر كوكتيل أصلا مش مع باقى أغانيه ...
زعلت جدا الصراحه علشان أغنية مكتوب ضاعت منى :(
مش عندك الأغنيه دى ؟
Looking for information and found it at this great site... Lipitor adverse Nikon d1x digital camera Quest nissan power steering pump Anoka county minnesota and learning etiquette bmw turbo charged Dermor skin care products Vascular attorney maryland malpractice Cadillac deville key Maternity clothes for party Indian patent office 1 ultram online Bmw 1150 rt valve cover protector Polish car dealer Mitsubishi interior color codes Jeep motor mounts Propecia with rogaine
Hey Leonardo
U know this song was my fav when I was 13 years old, I always was very happy when the clip is broadcasted on ESC. Unfortunately this cute singer disappeared after singing Ya shems ghibi and Adi El Hawa.
Can u pleaz upload the songs in another links because they've expired.
Thanks a lot for sharing
Rania
يااااااااااااااااااه
اخيرا لقيت حد يعرف عن المطربه اميره
دى مطربه نادرة الوجود زى ما تكون حاجه كده شبه الخيال مرت سريعا فعلا زى ما قولتى وسابت علامه رغم قلة اعمالها ... اميره من انقى الاصوات واجملهم الى سمعتها فى حياتى رغم انى كنت فى اعدادى لما اصدرت البومها الوحيد لكن بحبه جداا الى الان واجمل ما فيه ياشمس غيبى
والى عايز يقرأ اكتر عن اميره انا اعرف مدونه لملحن لحن لها اغنية غلبنى الشوق وبيتكلم عنها كلام كتير ومعلومات اول مره تسمعوها عنها
اكتبوا فى محرك البحث جوجل ( مدونة اشرف السر ) وهتلاقوا فيها كل حاجه عن اميره
(((( اشرف السر ))))
ده اسم المدون وابقوا قولوا لى رايكم ..
متأخر جدا لكن
better late than never !!
Rania E.
للأسف هى اختفت من بعد ماغنت تتر ألف ليلة وليلة بتاع فاروق الفيشاوى ومش فاكر مين
بتاع : ياليالى ألف ليله وليلة يللا
هلا هلا هالله !
عموما لو عديتى من هنا تانى وماكنتيش لسه لقيتى الألبوم قوليلى وأنا أرفعهولك
وفيه موضوع أنا عامله على يمين المدونة كده فى الروابط اسمه
ملفاتى اللى روابطها طارت لو حد تانى عايز أغنيه أنا رفعتها قبل كده يكتبلى فيه وأنا أرفعهاله تانى
قلب شاعره
وجدت مدونة أشرف السر هنا
http://ashrafkh65.jeeran.com/musicman
ومش عارف أشكرك إزاى على الهدية الجميلة دى :)
Post a Comment