كنت اتكلمت قبل كده عن مسلسل لحسن عابدين وتوفيق الدقن الله يرحمهم
كنت فاكر القصه طشاش كده وباسأل عن اسمه لو حد فاكره
الأخ وارف -الله يكرمه - :) جاب اسم المسلسل
" أهلا بالسكان "
وآدى الخطوه الأولى !
كنت اتكلمت قبل كده عن مسلسل لحسن عابدين وتوفيق الدقن الله يرحمهم
كنت فاكر القصه طشاش كده وباسأل عن اسمه لو حد فاكره
الأخ وارف -الله يكرمه - :) جاب اسم المسلسل
وآدى الخطوه الأولى !
6 comments:
انا فاكرة المسلسل ده نوعا
بس هوه كان فيه انتظار لسكان من الفضاء؟
يظهر الواحد محتاج يعيد رؤية الحاجات دي
واله بما إنى مش فاكر غير طشاش فماأقدرش أفيدك قوى !!
لكن عموما هابقى أبعت لقناة الحكايات كده جايز يكون المسلسل ده عنهم ويعرضوه ..
أهو الفترة اللى فاتت عرضوا مسلسل البشاير وسجلته وبدأ النهارده مسلسل عيــــون بتاع فؤاد المهندس ويونس شلبى وإن شاء الله أسجله هوّه كمان
ربنا يسهل بقى ويعرضوا أهلا بالسكان كمان :)
عيون ده اللي كان فيه تقريبا يونس شلبي بيمشي و هوه نايم ، و كان فيه خاطب بنت فؤاد المهندس ؟
بس كويس و الله حكاية انك تبعت عشان المسلسلات اللي انت عاوزها
انا يمكن مش فيه مسلسل تلفزيوني عاوزاه يعرضوه ، عشان كل المسلسلات اللي باحبها جابوها و عرضوها أكتر من مرة / صحيح من مدة / بس مش عندي شوق ليها قوي
يمكن أكتر الحاجات اللي الواحد محتاج يجيبها فعلا هيه المسلسلات الاذاعية
" بنات القمر " مثلا
" الحياة في زجاجاتٍ فارغة "
" شيء من العذاب "
الحاجات الجامدة دي
تفتكر ممكن الواحد يبعت للإذاعة يطلب منهم الحاجات دي ؟
لأ, كان فؤاد المهندس هوّه اللى بيمشى وهوّه نايم أما حيـــرم أو يونس شلبى فراح يكشف عند الدكتور النفسى بداله :)
مسلسل جميل قوى قوى لدرجة إنى ممكن أغفر للراجل بتاع الوصلة إنه مش حاطط غير قناة واحدة بس للأفلام الأجنبى ونص القنوات الباقية رياضة !!
أما عن المسلسلات فالوضع مع قناة الحكايات مختلف لأنهم عندهم موقع محترم وعاملين استطلاع رأى وحركات وماأعتقدش إن فيه إذاعة من إذاعاتنا ممكن تعمل موقع أصلا ناهيك إن يبقى ممكن تطلبى منهم أعمال معينة
عليكى بقى وعلى البريد العادى أو التليفونات أو لو كان ليكى حد شغال فى الإذاعه بقى أو يعرف ولو فراش هناك !! ممكن يظبطلك الليله كلها ويجيبلك إيناس جوهر نفسها :)
يؤسفنى أقول لك إن "أهلا بالسكّان" ليس هو المسلسل المقصود
المسلسل بتاع الفضاء اسمه
"نهاية العالم ليست غدا"
بس "اهلا بالسكان" ظريف بردو
ويؤسفك ليه بس ؟ :)
عموما كده مصلحة ..
أبعت للحكايات أقولهم على المسلسلين الاتنين أو أى حاجه عموما لحسن عابدين
الله يرحمه كنت باحبه فى التليفزيون قوى
Post a Comment