أنا لاحظت إن أعصابى بقت فالته اليومين اللى فاتوا دول .. يمكن علشان الواحد مضغوط الفترة اللى فاتت شوية بدأنا الدراسة من أول يوم بعنف !! المفروض إن السنه دى سنة محورية نوعا البداية الجاده للدراسة العملية فى المستشفى بعد لعب العيال اللى كان فى الرمد وفى الأنف وأذن ورغم كده بدؤوا لنا من أول السنه دراسة جد جدا جدا جدا بدون أى تمهيد نظرى وكإننا درسنا السنة دى قبل كده وقاعدين نعيدها مثلا واللى كمان مظهر من مظاهر الغباء الأشد إن الدراسة مضغوطة جدا جدا لدرجة إن فرع مهم جدا زى القلب درسناه فى 5 أيام بالعدد !!! والصدر برضه هيبقى 5 أيام ...إلخ والضغط الجامد ده حصل لأن السبت بقى أجازه عندنا فى الكليه !!! يبقى من المنطقى نسأل .. أخدنا السبت أجازه ليه طالما محتاجينه قوى كده ؟ بس طبعا مافيش منطق ! زائد إن دى أول سنه بالنسبة لى أتعامل بقى مع المرضى بصورة مباشرة والتعامل مع المرضى فى كليات الطب محتاج موضوعات بقى عن الخلاف بين المشاعر الإنسانية من جهة وأن تعامل المرضى كمجرد وسائل تعليمية للإيضاح من جهة أخرى غير مكترث بمشاعرهم أو أوجاعهم !! وحيرتى أنا بقى الشخصية مابين الرغبة فى التعلم عشان ماأسقطش وبين الشفقة على المرضى دول ومحاولة المشى على الحبل بين الاتنين !! وفى وسط كل ده ألاقى الأخبار العجيبة اللى بتطلع فى الجرايد دى ؟ مابقدرش أمسك لسانى الحقيقة ! على العموم رمضان كريم :)
2 comments:
ايه يا بني ؟
انت لسانك بقى فالت ليه كتير اليومين دول ؟
اللهم إنك صائم يا عم الحاج :-D
عندك حق فعلا :)
أنا لاحظت إن أعصابى بقت فالته اليومين اللى فاتوا دول .. يمكن علشان الواحد مضغوط الفترة اللى فاتت شوية
بدأنا الدراسة من أول يوم بعنف !!
المفروض إن السنه دى سنة محورية نوعا
البداية الجاده للدراسة العملية فى المستشفى بعد لعب العيال اللى كان فى الرمد وفى الأنف وأذن
ورغم كده بدؤوا لنا من أول السنه دراسة جد جدا جدا جدا بدون أى تمهيد نظرى وكإننا درسنا السنة دى قبل كده وقاعدين نعيدها مثلا
واللى كمان مظهر من مظاهر الغباء الأشد
إن الدراسة مضغوطة جدا جدا لدرجة إن فرع مهم جدا زى القلب درسناه فى 5 أيام بالعدد !!!
والصدر برضه هيبقى 5 أيام ...إلخ
والضغط الجامد ده حصل لأن السبت بقى أجازه عندنا فى الكليه !!!
يبقى من المنطقى نسأل .. أخدنا السبت أجازه ليه طالما محتاجينه قوى كده ؟
بس طبعا مافيش منطق !
زائد إن دى أول سنه بالنسبة لى أتعامل بقى مع المرضى بصورة مباشرة
والتعامل مع المرضى فى كليات الطب محتاج موضوعات بقى عن الخلاف بين المشاعر الإنسانية من جهة وأن تعامل المرضى كمجرد وسائل تعليمية للإيضاح من جهة أخرى غير مكترث بمشاعرهم أو أوجاعهم !!
وحيرتى أنا بقى الشخصية مابين الرغبة فى التعلم عشان ماأسقطش وبين الشفقة على المرضى دول ومحاولة المشى على الحبل بين الاتنين !!
وفى وسط كل ده ألاقى الأخبار العجيبة اللى بتطلع فى الجرايد دى ؟ مابقدرش أمسك لسانى الحقيقة !
على العموم
رمضان كريم :)
Post a Comment