الأغنية دي تقريبا كنت في تالتة إعدادي لما نزلت أو أولى ثانوي مش متأكد، بس حبيتها و-حسيتها- من وقتها!
مش عارف بقى عشان المعنى اللي فيها متجدد دايما ومرتبط بمعاني الحنين والنوستالجيا -بنتي من وهي في ابتدائي بدأت تحس بنوستالجيا لأيام الحضانة!!- وللا عشان صوت حنان ماضي ولحن ياسر عبدالرحمن الجميل..
افتكت الأغنية دلوقتي عشان الجملة بتاع "نبكي العمر اللي جاي وللا العمر اللي فات".. كانت في بالي من شوية وبافتكرها كتير كل ما أحس إن الواحد شكاء بكاء حكاء -على رأي خالد عجاج- ودايما عايش جو لحظة ميلاد الفرح كان فيه حبيب رايح -مش هاحط رابط لأنغام، لأنك لو مش عارف الأغنية دي وبتحبها، تبقى جاي مدونتي دي تعمل إيه؟- .. فيعني فرصة نسمعها سوا لو إنت من جيل زي وللا حاجة وماسمعتش الأغنية دي قبل كده
وكان ، و كان ، و كان
أولاد و بنات جيران
براءة في كل قلب .. و عيون مليانة حب
كبرنا و عدى عمر .. أخدنا لميت مكان
و في شارع من بعيد .. و كان اليوم ده عيد
مسكنا إيد في إيد .. حسينا الكون أمان
ضحكنا من قلوبنا .. لما دمعت عيونا
ولآخر الكون سافرنا .. و احنا في نفس المكان
يا حنين ، يا ذكريات .. يا سنين أحلى الحاجات
نبكي العمر اللي جاي .. وللا العمر اللي فات؟
لو كان بإيدينا كنا .. وقّفنا سنين زماننا
ليه يضيع العمر منا .. و تعيش الذكريات
مدحت العدل
ياسر عبدالرحمن
حنان ماضي
No comments:
Post a Comment