ماتوا من زمان سعادتك والله !!
الحاج فتحى سرور قصف الله عمر سيادته وفرّجنا عليه أسبوعين من بتوع يوليه اللى الكهرباء بتقطع فيهم فى عز الضهر بيقول النهارده فى المصرى اليوم إن أولاد سيادته وأحفاد جنابه دخلوا مدارس أجنبيه هربا من سوء المستوى التعليمى للمدارس الحكومية المصرية ..
سرور يهاجم نظام التعليم ويصفه بأنه فاشل وناقص
الباشمهندس فتحى على ماأفتكر كان وزير التعليم قبل مايكبر ويمسك القبّة
يعنى كان المسئول الأول عن التعليم فى مصر !!
وبعدها بقى رئيس مجلس الشعب المسئول عن الأداء النيابى ومحاسبة أى تقصير م جانب الحكومه سواء بقى فى التعليم أو الاقتصاد أو السياسه ...إلخ
من الآخر سيادته يعتبر ميقاتى المباراه الوحيد اللى بيعدّى استجوابات أو يركنها واللى بيشخط فى نواب المعارضه وعروقه تتنفخ ويبقى ياعينى قطّه مغمضّه مع الحزن الوطنى أو أى كلب تبع الحكومة ..
بعد ده كله ييجى سيادته يقول إنه هيفجّر قنبله !!
والله نبقى غلطانين جدا كشعب وكمعارضه لو اتعاملنا مع الناس دى على إنهم بنى آدمين أو إن عندهم أى نوع من أنواع الالتزام أو الضمير ..
دول حراميه ماعندهمش لادم ولاأخلاق ولانخوه .. دول اللى بيقتلوا القتيل ويمشوا فى جنازته -وأمامنا حادث العباره ودور المجلس الموقّر برئاسة كابتن توحه فى إهدار دم كل الشهداء فى سبيل راحة الباشمهندسين اللى ورا ممدوح باشا اسماعيل - ...
الجماعه دول حلال فيهم الدبح !
بس للأسف عندنا مابيندبحش غير نجيب محفوظ .
4 comments:
بمناسبة الذبح الحلال :) انت عارف انّى من زمان كنت باسأل نفسى ليه الارهابيين عمرهم ما وجّهوا اعمالهم تجاه وزراء يستحقوا الذبح مثل وزراء التعليم !! على الاقل كانوا كسبوا احترام و تاييد شريحه لا يستهان بها من الشعب !!
:)
تعليق فتحى سرور الخيبان -كلاهما خيبان فتحى و تعليقه- يشابه تعليق نظيف حين تحدّث عنّا بصفتنا شعب غير مؤهل لممارسة الديمقراطيه متناسيا ان النظام المعفّن الذى يرأسه و رأسه قبله عشرات هو الذى ساهم فى وصولنا للحاله التى يصفها وكان ينبغى محاسبته هو و غيره ممّن سبقوه على الحاله الوسخه دى
أعتذر لاستخدام تعبيرات غير لائقه بس حاجه تحرق الدم
فكرتينى بشغف لما سألتنى من كام بوست عن إن لسانى بقى فالت اليومين دول :)
والله يازمان الوصل ياختى مابقتش التعبيرات الغير لائقة كفاية علشان نعبر عن اللى جوانا تجاه الحراميه دول ..
حتى مش مجرد حرامية .. دول لاشرف ولاكرامة ولاأخلاق ولا .. ولا .. ولا
وطبعا الريس الكبير جاى النهارده يقول برضه بمنتهى قلة الدم والأدب بإننا محتاجين خطاب دينى معاصر ومناسب للعصر اللى احنا فيه فى المساجد والمدارس والبيوت
وكذا مره يتكلم عن ضرورة اتباع الشفافية وضرورة الاهتمام بمحدود الدخل و .. و..
وكإنه كان عمال يلعب اسكواش طول السته وعشرين سنه اللى فاتوا دول وماكانش الرئيس ..
تقولى عليها تلامة .. رخامة .. قلة أدب
والله مافيش كلام يفش غل الواحد ناحيتهم !!
والله كل فترة بلاقى إن الجماعه بتوع كفاية لما كنسوا السيدة على الحكومة وعلى مبارك كان عندهم بعد نظر برضه
:)
فتحي سرور مثل مكرم محمد أحمد والحاج سيد متولي في النادي المصري .. أشخاص لهم قابلية عجيبة للتأبيد..
أهو الراجل قاعد سبعتاشر سنة بس في مجلس الشعب ، دورتين ونص كمان ويبقى أشغال شاقة مؤبدة .. ولولا إن رفعت المحجوب اغتيل لكان حيبقى مؤبد في وزارة التعليم!
Post a Comment