كل الملفات اللى كانت على حسابى بتاع ال 4shared اتمسحت لأنى انشغلت لمدة شهر كامل عن فتح الموقع !!
وولاد الذين ماكلفوش خاطرهم حتى يبعتوا إيميل تحذيرى أو حاجه قبل مايعملوا كده ..
أمال لما بنسجل فى الموقع بنكتب إيميلنا ليه يا أولاد الفرطوس ؟؟؟
المهم ..
طبعا كده كل الروابط القديمة وكل الأغانى والملفات طارت وأنا بصراحه مش فاضى أراجع المدونة من أولها وأرفع كل الملفات تانى وأعدل الروابط من أول وجديد..
فياريت أى حد كان عاوز يحمل ملف قديم ومالقاهوش يكتبلى اسم الملف فى التعليقات وأنا أرفعهوله تانى ..
أعتذر عن اللخبطه والسهو فزيارة واحده كل شهر للموقع المذكور كانت هتشيل عناء البهدلة دى بس يللا .. هابقى آخد بالى بعد كده بإذن الله وهاحط رابط الموقع على سطح مكتبى علشان مانساهوش تانى أبدا !
ويجعلها آخر الأحزان وكده يعنى !
3 comments:
الخبر السعيد
ان فورشيرد كبر المساحة بتاعته
انا عندي 5 اكونتس حاليا ينفع المهم علي اكونتين بس
هانقلهم امتي مش عارفه .. بس هانقلهم
حل الديسك توب كويس انا عملت حاجة زي كده اخر اسبوع من الشهر افتح كل الاكونتس ورا بعض
والاسهل اني وزعلت الاكونتس علي كل صحابي اكيد حد فيهم هيحتاج حاجة علي مدار الشهر.. مرة فتحت اكونت صدفة في سيرش شكيت في الاسم جربت الباسوورد المعتادة طلع فعلا بتاعي.. بقالي مثلا ست شهور مفتحتوش.. اكيد الاطفال قايمين بالواجب
pls i need the song law msh hte7lam ma3aya for aly hajjar.
وبعد غيبه ....
كويس إنهم خمسه يا ساسو .. عشان الحسد وكده ;)
أما أنا فكفايه عليا اليتيم بتاعى ده وربنا يسهل وماأنساهوش تانى بس !
أما عزيزى المجهول فأنا آسف جدا على التأخير لكن فعلا طول الفترة اللى فاتت ماكنتش باقدر أدخل على البلوج ولس شايف ردك ده دلوقتى حالا .. والأغنية ياسيدى هتلاقيها على الرابط ده
لو مش هتحلم معايا
مع اعتذارى الشديد عن التأخير
Post a Comment