أيوه .. !
لسه لاقيها قريب رغم إنها موجوده على النت من زماااااااااااان فقلت أجيبها للناس اللى لسه ماشافوهاش
الموسوعه فيها سيرة ذاتية لجاهين وألبوم صور مش بطال وطبعا قائمه بأعماله بالإضافة –قطعا- للأعمال دى نفسها
أشعاره وقصائده ورباعياته وأغانيه وأزجاله ومسرحياته وحتى الكاريكاتير .. كله موجود
وموجود كمان الرباعيات بصوت سيد مكاوى
الاسطوانه ملف iso مضغوط على الرابيد شير ومساحته 100 ميجا تقريبا
وآدى شوية كاريكاتيرات من الاسطوانه
ومع أوبريت كوخ العم توم هذه المره من فيلم الملك وأنا نلتقى هذه المره
كنت لسه باقول لشغف فى البوست اللى فات إن فيه أغنيتين سمعتهم وأنا صغير ومانسيتهمش لحد ماربنا كرمنا ودخلنا عصر الدى إس إل اللى خلانى أقدر أدوّر على كل أحلام الطفولة :)
كانت الأغنيه الأولى اللى اتكلمت عنها فى البوست اللى فات "ملحمة جينى"
أما الأغنيه التانيه فمش أغنيه بالظبط لكن أوبريت كامل وإن كان المقطع بتاع Run Eliza Run ! هو أكتر جزء كان فى بالى ..
طبعا بذكائى المعهود قعدت أدور على فيلم الملك وأنا فى دهاليز التورنت وإيميول طيلة السنتين الماضيتين بدون نجاح فكل النسخ التى كنت أجدها كانت أسبانية, إلى أن وجدته عبر التورنت فى نسخة من ثلاث اسطوانات وكان تورنت بطييييييييييييييييييييييييييييىء :( لكن سعادتى عندما شاهدت الأوبريت ثانية كانت أكبر من كل شىء ^_^
ونويت أن أرفع الأوبريت على يوتيوب لكن حجمه الكبير لكى تكون الصوره واضحه جعلنى أؤجل الأمر قليلا حتى فتح الله على ببعض التفكير وجربت أن أبحث على يوتيوب نفسه بعنوان الفيلم The King and I و.. تررررررا .. هاهو أوبريت كوخ العم توم بين يديك -العلم نورن برضه !-
أعتقد أن الفيلم معروف وتم إعادته فى أكثر من نسخه إلى جانب عرض الفيلم نفسه أكثر من مره على القناة الثانية و mbc2 أما كوخ العم توم فأغلبنا قد قرأ عنها ومن لايعرفها فهو يعرف بشكل مبهم أنها تتحدث عن العنصرية أو شىء كهذا !
لذا فبلا مزيد من الرغى تفضلوا مع خالص الشكر ل mysteriouspersonisi ..
____________________
وفى ظل الإضراب توافر الوقت لشىء مثل هذا :)
هل يشبه هذا ماتتحدثين عنه ياشغف ؟ -بعد التعديل !-
ودى كده -برضه- بعد شوية تجسيم ..
أو صوره غير متحركة كهذه فقط ..
وممكن طبعا نعمل كل دول ويبقى فيه أكتر من بانر وكمان ممكن بألوان مختلفة لو تحبى !
وللأسف الشفافيه مانفعتش على خلفيه غامقه زى البلوج بتاعى ده !
فممكن بقى نشوف خلفيه غير شفافه زى دى ..
أو دى
أو دى
:D
Quote of the Day:
Intelligence without ambition is a bird without wings.
--C. Archie Danielson
فى مسرحية وجهة نظركانوا جماعة من المكفوفين فى مؤسسة خيرية لصاحبها سيد بيه السيد
الإداره كانت فاسدة ومختلسة من أول المدير لحد الفراش
ولما لاقوا الورق اللى بيثبت فساد إدارة المؤسسة كان طبعا الرأى الأول إنهم يبعتوا الورق ده لصاحب المؤسسة سيد بيه السيد بما إن هو الرأس الكبيرة واللى فى إيده الحل والربط
قبل مايتصدموا طبعا بعد كده باكتشاف إن كل الفساد ده بعلمه وإرادته ومشاركته كمان
وضع مشابه للدولة المصرية حاليا
ناس كتيره قوى لسه معتقده إن الحل فى إننا نوصّل المعلومات والمشاكل للسيد رئيس الجمهورية
على اعتبار طبعا إن كل الفساد والظلم بيحصل بدون علم الرئيس
مش معقول طبعا إن اللى فى إيده كل السلطات يبقى فاسد أو راعى للفساد !
العقل مابيقبلش الحقيقة دى أصلا ..
لازم يكون فيه أمل -حتى لو كاذب- علشان نقدر نعيش
حتى أنا شخصيا رغم إيمانى التام بتورط السيد الرئيس وعائلته فى الفساد كليا وجزئيا وبالوارب كمان ماباستوعبش الفكرة دى .. عارفها آه لكن مش قادر أتقبلها ..
لو انكشف الواقع شديد السواد هنلاقى أعداد المنتحرين أكتر من بتوع السويد
مش هيبقى فيه معنى لكفاح فساد أى موظف أو مسؤول إذا كان حامى الحمى وراعى الرعاة فاسدا ..
ساعتها إنت اللى ح تتحاكم مش الموظف الفاسد
بالظبط زى اللى حاصل دلوقتى
وممكن أقول إن دى فائدة الصحافة المنافقة والإعلام الحكومى
إنهم يغطوا على الحقيقة المرعبة دى ويسيبوا الأمل واليقين بتحقيق العدل وسط الناس اللى مش فاهمة
****
بالمناسبة صحيح ..
فى المسرحية وبعد انكشاف فساد الجميع من صاحب المؤسسة للإدارة أتى الحل والمواجهة بمساعدة Mrs Box
بطريق غير مباشر طبعا هو إنها ألغت المساعدات اللى كانت المؤسسة بتاخدها على حس المكفوفين
المسرحية كانت من تأليف لينين الرملى فى قراءة سياسية ممتازة لحال كافة دول العالم الثالث تقريبا
ورغم كل ده لقيت واحد مره فى منتدى من المنتديات بيشتم لينين الرملى وبيقول عليه حرامى وتافه وحاجات كده !!
