Saturday, November 25, 2006

أكدب عليك

 

ماأعرفش كلمات مين

ومش متأكد إن كانت ألحان بليغ وللا لأ !!

المهم , الأغنيه موجوده هنا

8 comments:

saso said...

:))
لا ده الموجي.. الحجاز ده مش سكة بليغ خااالص
اغاني بليغ في شبة قاعدة ثابتة هتلقاها بياتي ورست
رست يعني شرقي اوي اوي اوي
زي حكم علينا علينا الهوي..الجملة دي رست جدا جدا تحس انك اتنقلت لجو الطقاطيق وعاوز تميل راسك معاها يمين وشمال

ولام كلثوم برضة بعيد عنك حياتي عذاب الحزن الراقي بقي بتاع البياتي برضة حته شرقي موت لما تقول غلبني الشوق ودوبني ..دي وهمية

والشجن الشعبي شوية في زي الهوي عبد الحليم بياتي برضة اعتقد علشان"وخدتني ومشينا"دي حاساها بياتي
وحاول تفتكرني برضة بياتي بس دي واضحة شوية ومش مستخبية

Leonardo said...

إمم
مذاكره ياساسو :)

لىّ واحد صاحبى بيعزف عود دايما بيقول كلام زىّ ده ^_^
وباسمع عمّار الشريعى دايما بتكلم فى المناطق دى ...
بس عايز أسألك إن كان حكاية الموجى دى استنتاج علشان اللحن حجاز
وللا إنتى أكيده من إن الموجى هوّ الملحّن؟

وبالمرّه بقى , ماتعرفيش موقع كويّس ممكن يعلّمنى ولو أساسيات المقامات الموسيقيه دى ؟

saso said...

:)
طيب في الاول ميرسي علي الاغنية التسجيل ده احسن من اللي عندي اللي انا بوظتة باسمعها قبل مانزل الشغل

!!!!!انت مش مصدقني يا ليو
:(
لا الموجي متنوع مش كله حجاز..مش بليغ بالاستبعاد لكن الموجي
اقولك -بس ماتضحكش-مالقيتش حاجة تثبتلي غير مسابقة عبيطة معلش بقي الاستعجالهـنـــا هتلقي الموجي علشان تصدقني

موقع موقع.والله وانا محتاجة واحد بس باكسل ادور..اقوللك احنا ندور واللي يلقي حاجة يقول للتاني..بس لو مافيهوش صور مش هنعرف نفهم اوي المسافة بين الاوتار علي نفس المقام وكده
نجرب

اة ليك عندي مفاجأة حلوة جدا
نزهة سيد مصطفي
الجـوز الـخـيل والـعربـيـةفيديو وعندي صوت من الراديو ومعاها تيتر البرنامج نفسة
يارب تعجبك انا بحبها بطريقة غريبة

Leonardo said...

إنتى بتهرّجى ؟!!

آل يارب تعجبنى آل :)

طبعا يابنتى تعجبنى ونص , ده أنا هافضل طول عمرى أبتسم لمنظر السواق الأقرع وحواجبه بتلعب وهو بيبصبص للست اللى راكبه ومش هامّه من العايق اللى كان معاها :)

بس فيه صدمه حضاريه قابلتنى فى الرابط ده !!
أنا عايز أنزّل الكليب ده , مش أتفرّج عليه بس . أعمل إيه ؟؟؟

قوليلى على الحل وبعدين هنتفاهم برضه على نسخة الراديو دى ..

saso said...

حاضر هارفعهولك علي اي حاجة
ولا تزعل..اول ما اروح ان شاء الله هارفعهولك..ونسخة الصوت من الراديو

Leonardo said...

معلش على التعب ده بس أعمل إيه
باحب الخيل والعربيه :)

وعلى الله ماتكونش عندك الليله الكبيره بقى لأنى رفعتها النهارده على الرابط ده
فيديو طبعا مش صوت

وهتلاقى كلمات الأوبريت فى البوست الأخير
وفى انتظار انتهائك من الرفع :)

saso said...

ياااااااا
لا معنديش فيديو عندي صوت..ميرسي اوي اوي اوي

اةة التاخير ده علشان النت عندي كان مغمي عليه يومين كده
اول ما جة رفعتلك الفيديو وادياللينك هنا
وده تسجيل لنفس النزهة بس احلي من الراديو-يارب يكون هوا يعني اللي اقصده رفعتهولك
هـنـا
همممم كده كويس
ميرسي علي الاوبريت لسه بادونلوود

Leonardo said...

حمدلله على سلامة النت عندك ياستى :)

أنا كان نفسى أضغط الفيديو زيادة عن كده -الملف الأصلى حجمه حوالى 250 ميجا - علشان يبقى أسهل فى التحميل بس لقيت إن الصورة هتبوظ قوى !!

عموما , تم تحميل النزهة خلاص وجارى الاستمتاع بمشاهدتها :)