جه فى بالى دلوقتى أكملهم بالتاج الخامس ..
منها يبقوا خمسه مقفولين .. ومنها ألاقى حاجه أمررها
التاج ده ماقابلنيش قبل كده بس احتمال كبير يكون اتوجد فى وسط أى هوجه من هوجات التاجات دى ..
احكى عن أكتر خمس حاجات بتخاف منهم .. أشياء ماديه أو خيالات ..خواطر بترعبك ..أو حتى مواقف معينه حسيت فيها بالرعب الحقيقى.. حاجات من دى يعنى
هوّه اللى بيجيب التاج بيجاوبه الأول وللا بيمرر على طول ؟
...
عموما أنا هامرره دلوقتى وأبقى أجاوب بعدين
وطبعا أولنا مين ؟ :)
خدى ياساسو ..ربنا يقدرنى وأردهم لك تاج تاج ياماما
ول شغف
و لو عدّيتى يا كاميرا جيرل ابقى خدى التاج ده معاكى ياماما
3 comments:
ايه دة ايه دة
انت بتهرج ولا ايه
انت لازم تقول كل حاجة يابني الاول
قبل حتى ما تقول دة تاج
لازم تقول ايه الخمس حاجات دول
انا مالي ياعم
انا عاوز اعرف
ميرسي يا ليو
رعب دة انا ملقتش حاجة في ست اشياء تكرها هاجيب منين حاجات تخاف منها دي
بتردلي التاجات ماشي لسه عليك 3 كمان
انت بتضحك عليا فين اجابتك انت مررتة وبس كده؟
ياسر
هاقول ياعم والله بس ماتزقش :)
فكرة التاج دى ماجتليش أصلا غير علشان عايز أتكلم أصلا عن مواقف معينه
بس جت ظروف النت الهباب دى أخرت الحكايه جامد
ساسو
بلاش حجج !
الكراهية حاجه والرعب والخوف حاجه تانيه خالص ياماما
وبعدين ده أنا مسهّل الموضوع ع الآخر
مش مجرد خمس حاجات مرعبه .. ده إنتى ممكن تتكلمى عن ماديات أو خواطر أو مواقف أو ذكريات
أى حاجه من أى نوع بشرط بس إنها تكون مرتبطه بخوفك أو رعبك منها
ويبقى فاضل لك 3 تاجات .. ماشى :)
Post a Comment