الحكاية بس إنى كنت آجى الدنيا من ألف سنه وللا ألف ونص ..
كنت هاقعد زى الباشا كده ما أعملش حاجه غير إنى أبص للسما وآكل رز بلبن
وبعدين أقول إن الدنيا دى فانيه والبنى آدم مكتوب عليه الشقا ..
وكمان إن الواحد المفروض يكون حسيس ومايضايقش حد علشان كده مش كوول
وإن اللى بيشتغل بجد هيلاقى حصاد تعبه وكده يعنى
وهوووووووب
كان هيبقى لى طريقه وأبقى ليوناردو الحكيم !
وياسلام بقى لو كنت كئيب زى ما أنا دلوقتى كده وقعدت أقول للبشر قد إيه هم تافهين وإنهم نكرات وإنهم مهما عملوا فمش هيقدروا -فعلا- يعملوا حاجه وبقية الأفكار اللذيذه دى ..
كان زمانهم اعتبرونى مفكر عبقرى وصاحب مذهب الليوناردوية
مسألة وقت مش أكتر !
No comments:
Post a Comment