نشيد مصر ..
صحيح الأغنيه دى أغنيه وطنيه
وصحيح إنها اتغنّت فى عهد مبارك
وصحيح برضه إن ناس كتير -أنا كنت منهم زمان- بيتخنقوا من محمود ياسين !!
وناس تانيين مابيحبوش ورده -مش فاهم إزاى !!- بس الأغنيه دى رغم اجتماع كل الحاجات دى فيها مختلفه
على الأقل بالنسبه لى
من ساعة ماسمعت "نشيد مصر" ده فى التليفزيون وأنا صغيّر عجبنى جدا جدا جدا
بالذات الاختلاف بين صوت محمود ياسين العميق فى إلقاء الأبيات الشعريه والتروّى فى اللحن -الكلمات ماكانتش تفرق معايا كتير فى السن ده - وبعدين النقله المفاجئه لصوت وردة العذب مع انطلاقه هادئه للّحن
فصحى محمود ياسين وبعدين عاميّة ورده
والاتنين واقفين على المسرح ووراهم أوركسترا كامل
فُتنت بهذا المشهد حقا !
فضلت طبعا مش طايل الأغنيه دى فى أى مكان لحدّ ماجت إذاعة الأغانى فى احتفالاتنا بأكتوبر السنه اللى فاتت -أو اللى قبلها مش فاكر كالعاده - وكان اليوم كلّه مخصّص للأغانى الوطنيه
طبعا كانت فرصه , رُحت مسجّل أغانى اليوم دهكلّه على الكمبيوتر وقعدت أفرّ فيهم لحدّ مالقيت كنزى الصغيّر ده :)
3 comments:
الاغنية عندي
:)))
لما لقيتها عملت زيك كده رحت قلت لكل الناس اني لقيتها..طبعا الطبيعي انهم قالولي اة كويس ونسيوا الموضوع بس اوقات باشغلها الصبح قبل مانزل بس علشان اسمع صوت محمود يس وتناقضة الجميل مع صوت وردة
بمناسبة محمود يس لقيت حلوة يا زوبة بس مش مقطوعة كويس..المهم اني لقيتها
:))
طب كويس إنهم قالولك كويّسه !
أنا اللى كنت باقولّه من أصحابى كان بيبصّ لى بنظره مليانه عطف وشفقه ويطبطب على كتفى برقّه
وبعدين أسمع والدتى وهىّ بتحلف له إنى باكل كل اللى فى نفسى وإن ماحدّش م البيت مضايقنى ولا عمل لى حاجه !!
طبعا أنا ولاكنت باعبّر ..
معايا الأغنيه وده المهم :)
بالمناسبه أنا عندى حلوه يازوبه بتسجيل كويّس , كنت مسجّلها من إذاعة الأغانى من زمان ..
شوفيها كده هنا
وهتلاقى التسجيل ده أحسن بإذن الله
ايه ده ميييييييييييييييييييييييين هما الحبايب هنا يظهر الناس كلها عارفين بعض هنا بس انا الى مش عارفه حد ازيك يا ساسو.....ميرسى عاللأغانى انا مستنيه اخويا الكبير لما يوصل بفارغ الصبر اصلو بيحب حخلوه يا زوبا اوى وانا كمان بس انا بكره محمود يلاا اهى فلتت منو
Post a Comment