ياعينى ع العزّ ..
ودى باقى أغانى فيلم المليونير
ع الملوخيّه !! , وفى مقال آخر ياعينى ع العزّ !
ودى الأغنيه اللى كانت بتغنّيها الزبونه بتاع الكورال فى فيلم بنات وسط البلد بتاع
هتروح فين وتسيبنى لوحدى , أغسل حلل البيت بدموعى !.. وفى مقال آخر عايز أروّح
والتالته هى الاستعراض الجميل بتاع محشى كرنب عليكى اللعنه ! يعنى غلطنا فى البخارى ؟ .. أو شارم بارم
13 comments:
يا بني انت مافيش زيك اتنين
أنا باحب جدا أغنية عاوز أروووح دي
الواحد بيجي هنا يستغلك و يحمل الأغاني و يطلع
و على فكرة الأغنية الأجنبي تجنن ، كنت حملتها برضه يوم ما نزلتها
و كويسس ان الواحد بقى ضامن يلاقيلك حاجة غالبا كل يوم
ياستى الله يخلّيكى , ولو عايزه الفيلم كلّه أجيبهولك ياماما :)
عموما أنا رفعت الفيديو بتاع الأغنية وهتلاقيه فى المشاركه الجايه لو عايزه تتفرّجى عليه
وبرضه علشان اللى مايعرفشى سعاد مكاوى يعرفها ويشوف قد إيه كانت أمّوره فى الفيلم ده ودمها شربات :)
حد ما يعرفش سعاد مكاوي برضه ؟
فعلا كانت تجنن
ربنا يخليك للشعب المصري
و شكرااا جدا على عاوز أروح
بس فيه خدمة لو تعرف تعملهالي و تعرف تجيب الأغنية بتاعة مدحت صالح اللي كان بيغنيها في " أبو العلا البشري " بتاعة " لو مش هاتحلم معايا "
أغنية لو مش هتحلم معايا كانت بتاع على الحجار مش مدحت صالح وكانت تتر البداية للجزء الأول
وأهى موجوده هنا
أما أغنية مدحت صالح فكانت فى أبو العلا 90 وللأسف مالقيتش منها غير تتر البداية فقط وأهى موجوده هنا
وبالمرّه بقى آدى تتر البداية بتاع الجزء الأول اللى بيغنى فيه على الحجار ماتمنعوش الصادقين عن صدقهم ولاتحرموش العاشقين من عشقهم
*** تصحيح
وكانت لو مش هتحلم معايا تتر النهاية للجزء الأول
شكرا جدااا
بس أفهم انت بتلاقي الحاجات دي فيين؟
مش عارف سمعت السؤال ده فين قبل كده ؟!!
آه , كنت أنا اللى باسأله لساسو :)
بالنسبة لى فمصادرى بين اتنين إما إذاعة الأغانى وباسجلها على الكمبيوتر بوصلة لكارت الصوت أو من على النت
فيه مواقع كتيره فيها حاجات ممتازه منها موقع dvd4arab
وفيه موقع تانى رائع لعلى الحجار
انت و ساسو فعلا ما شاء الله بتعرفوا تجيبوا التايهة زي ما بيقولوا
فكرة حلوة جداا حكاية كارت الصوت دي :)
يوما ما - في الخطة العشرية عندي - هاحاول أنفذها / ده طبعا على ما التكنلوبيا تتقدم عندي شوية
من غير تكنولوبيا ولا حاجه
المطلوب : جهاز كمبيوتر
راديو - أو كاسيت فيه راديو أو كاسيت بس , المهم أى حاجه تطلّع صوت -
وصلة كمبيوتر من بتاع التسجيل ببنّتين -مثنى بنّه بكسر الباء وفتح وتشديد النون- يعنى يبقى شكلها زى طرف سماعة الهيدفون مثلا أو سماعة الكمبيوتر اللى بتدّخليه فى الجهاز بس من الناحيتين كده
والكابل ده متوافر ورخيص جدا -3 جنيه- عند أى بتاع كهرباء أو أدوات كهربيه
بعد ماجبتى الكابل تحطّى طرف منّه فى مخرج سماعة الهيدفون اللى فى الراديو أو الكاسيت
والطرف التانى فى منفذ ال Line In
اللى فى الكمبيوتر وده هتلاقيه جنب المنفذ بتاع السماعات العاديه ولونه بيبقى أزرق
فى أى كارت صوت أو أى جهاز كمبيوتر بتلاقى 3 مداخل :
واحد أخضر أو أبيض , وده بتاع الصوت العادى اللى بتحطّى فيه كابل السماعات بتاع الجهاز , خرج الصوت يعنى
التانى أحمر بتاع المايك لو هتتكلمى أو تسجّلى حاجه بصوتك
التالت أزرق وهو ده الخاص بينا
المهم لو توصيلاتك تمام هتلاقى صوت الكاسيت أو الراديو خارج من سماعات الكمبيوتر العاديه - الكمبيوتر يكون شغّال طبعا- وتقدرى بأى برنامج - زى jet audio - مثلا
تسجّلى كل اللى إنتى عايزاه
لو كلامى واضح ماشى , ولو فيه أى استفسار فى أى نقطه أو مرحله , أنا تحت أمرك
لأن الموضوع سهل جدا ومش محتاج لا تكنولوجيا ولا حتى تكلفه ماديه
متشكرين يا باشا
أنا نسخت كلامك في صفحة ورد عندي عشان لحظة ما أحتاجه
يبدو سهل على أي حال
و في لحظةى ما أحتاج فعليا اني أعمل حاجة زي كده هابدأ أجربه
و أكيد لو حاجة وقفت قدامي هاقولك
ده طبعا اذا لم تجيلك الجنونة/بتشديد
النون / - زي بعضهم - و تحذف مداونتك، و يبقى خلاص بح مافيش ليوناردو
ربنا يبعد عنك مثل هذي الحالات
وانا اللي كنت شايلة لو مش هتحلم معايا ومتمنعوش الصادقين وولد وبنت علشان احطهم ليك مرة تانية
يلا مش مشكلة
dvd زيادة عن
في منتديين واحد تستحمل فية مشكور اخي بس هتلقي حاجات حلوة اسمة شادية ستار، ومنتدي تاني تستحمل سخافة الموديراتور الزعلانين علي طول اسمة سماعي اخر لما باتعب اوي وملقاش حاجة باروح لدة او لدة
اوعي تفكر تحذف مدونتك زي ماقالت شغف
والله ياجماعه أنا من ساعة ماشفت الزرار بتاع حذف المدوّنة ده وأنا حسّيت ناحيته بشعور خاص !
بس غالبا مش هاستعمله أبدا بإذن الله لأنى مش ناوى أسيب نفسى للاكتئاب
باحاربه وأقاومه وباتحسّن يوم بعد يوم
لمّا الموضوع زاد معايا قوى , أنا اللى رحت للدكتور. صحيح قاللى إنى ماكنتش رايح له بهدف العلاج قدّ ماكان بهدف الهروب , بس آدينى رُحت
صحيح الثقة للى اتكلّمتوا بيها دى عن حذفى للمدوّنة خلّتنى أتساءل إذا كان ممكن فعلا أعملها , بس بيتهيألى إن أقصى ماعندى هيكون إنى أمنع قراءة الناس للمدوّنه , مش أحذفها نهائيا
و ...عيد سعيد :)
Post a Comment