واتنين بقى المره دى
الأغنيه الرابعه فى ترتيب الألبوم
حلوين حلوين .. دايما حلوين !! والخامسه فى الترتيب برضه واللى باحبها بشكل خاص
طب ليه ياأبو قلب قاسى ؟ المشكله الحقيقيه هنا إنه نسى يمسّى وهوّ ماشى , علشان كده اتضحت الحقيقه المرّه وهى إن قلبه قاسى !
عرفنا بقى إيه قيمة دحرجة التماسى اللى أدركها منذ زمن بعيد متعاطى الحشيش الشرفاء !وكنا للأسف -عن جهل- بنهريهم تريأه مع إن قلبهم الصافى وعواطفهم الجياشة دلّتهم من زمان إن أهم شىء هو التماسى ...
6 comments:
حلو قوي تعليقك على الأغنية ده
بس سيبك انت من الشرفاء ذوي العواطف الجياشة دول
لأن لو منهم اللي رمى التماسي عليك بنفس الطريقة ، كنت أكيد أكيد ، هأتهريه تريقة برضة
بس بيتهيألي فيروز بديل لطيف
" تبقى ميل تبقى اسأل "
مثلا
أو
"يا ميت مسا "
أو " تعا و لا تيجي ، و اكذب عليا ، كذبة مش خفية ، و قولي انك راح تيجي ، و تعا و لا تيجي"
و فيه بدايل تانية يعني كتييير
أو ممكن جداا تقول مع عبد الوهاب
" لما انت ناوي تغيب على طول ، مش كنت آخر مرة تقول ، لما انت ناوي "
أغاني الافتقاد الحلوة كتيرة يعني
أي كان هلب أني تايم :)
يس يو كان ^_^
بس إنتى نسيتى أهم مسا بتاع سميرة سعيد ولطيفة
مسا الجمال على حبايبنا يامسا الجمال
وفيه المسا الأشهر بتاع مرسى الزناتى بين قوسين سعيد صالح
أنا بامسّى التماسى أجدع تماسى أحسن تقولوا إن أنا ناسى !!
أما عن الافتقاد فأعتقد إن ولا 1000 بلوج أغانى يقدروا يلموا الأغانى دى !
من أول واحشنى حقيقى واحشنى بصحيح لحد ماتقلب سميرة 180 درجة مع
آل إيه بيهون عليك فراقى , هوّه إنت ياروحى كنت لاقى ؟؟؟
الله فكرة
ايه رأيك نعمل أسبوع مشترك ننزل فيه أغاني التماسي ، أو التحية
و أسبوع تاني ننزل فيه أغاني الافتقاد بس بشرط كتابة تعليق أو تقديم للأغاني اللي ننزلها أو نحط لينكاتها
بمعدك 3 أغاني في اليوم مثلا عندك و عندي
لو توافق قول عشان نتفق على معاد نبدأ فيه :)
هىّ الفكره جميله ياشغف
بس مع شخص كسوووووووووول زيى , بيتهيألى هتبقى صعبه شوية :)
ماأنكرش إن الفكره عاجبانى بس حتى لو تغلبت على كسلى فمش هاقدر أشاركك فيها غير بعد معرض الكتاب لأن عندى امتحان الأسبوع الجاى وبعده هاسافر للمعرض إن شاء الله
لو مش مستعجله , يبقى أنا معاكى أوكى بعد المعرض بإذن الله
بالمناسبة أنا لسّه حالا فاتح البلوج بتاعك وشايف البوست بتاع امبارح ...
هوّه فيه إيه بالظبط ؟
ahhhh
ميرسي يا ليو كنت مخلياها ليوم زي النهاردة..لما شفتها معرفش ليه -غالبا دة هبل-مرضيتش اخدها غير لما احس اني عاوزاها اوي
النهاردة انا عاوزاها اوي
:)
ممم
حاجة غريبة ..نزلة صوتها وهيا بتقول"وما فيها"كنت بافتكرها كتير وانا ناسية باقي كلام الأغنية
Post a Comment